Ferizaj

Nga vërshimet bllokohet rruga Ferizaj-Gjilan, bizneset ankohen për dëme

Published

6 years ago

11 January, 2021

Nënkalimi në fshatin Varosh të Ferizajt është bërë i pakalueshëm, për shkak të reshjeve të shumta të shiut. Nga uji që është grumbulluar aty, disa vetura kanë mbetur në të. Për të treguar për rrezikun, aty janë vendosur edhe shirita sinjalizues.

Balton Dërguti asamblist në Kuvendin e Ferizajt, e që vjen nga kjo anë, thotë se një gjë e tillë ka qenë e ditur se do të ndodhë, meqë projekti nuk është menduar si duhet.

“Unë e kam potencuar me kohë që kur ka filluar të realizohet ky projekt, pjerrtësia që e ka nënkalimi është shumë e madhe dhe do të ketë shumë pasoja edhe gjatë dimrit për shkak të ngricave, madje nuk dihet nëse është rregulluar si duhet edhe pjesa e gypave të kanaleve atmosferike, por përveç kësaj gjendje aktuale nga të reshurat, probleme më të mëdha do të ketë edhe kur të bëhen ngricat e borës, do të ketë aksidente të shumta. Nuk e di se si e ka menduar projektuesi këtë thellësi kur këtu ka pasur mundësi që të jetë një pjerrtësi e gjatë“, tha Dërguti.

Për këtë situatë të krijuar në nënkalimin e fshatit Varosh nuk kanë munguar as kritikat e qytetarëve nëpër rrjetet sociale, duke akuzuar ekzekutivin për punime jo cilësore në këtë projekt. Ndërsa, përfaqësues të komunës arsyetohen se fatkeqësitë natyrore nuk zgjedhin vend për dëme.

“Fatkeqësia natyrore nuk zgjedh vend dhe hapësirë, nuk ka të bëjë aspak me cilësinë e punimeve të projektit, ne kemi parë gjatë këtyre ditëve në gjithë Kosovën, por edhe në Evropë që vërshimet kanë hyrë në çdo vend, prandaj nuk mund të flasim për cilësinë e punimeve e të projekteve, por thjesht është një sasi e madhe e ujit e shkaktuar nga reshjet e pandërprera”, tha Albion Sherifi, zyrtar për media në komunën e Ferizajt.

Si pasojë e reshjeve të shiut është mbyllur edhe magjistralja Ferizaj- Gjilan, ku edhe në këtë rrugë nga grumbullim i ujit kanë mbetur të ngujuara shumë automjete si dhe janë shkaktuar dëme nëpër biznese që operojnë skaj kësaj rruge.

Banorët e kësaj ane fajësojnë qeverisjen lokale që nuk e ka zgjidhur me kohë problemin e gypave.

“Që sa vite është i njëjti problem, nuk është bërë asnjë zgjidhje, nuk mundemi me shku tek lokalet që punojmë këtu, kanë mbetur veturat në mes të ujit. Ka një vit që ka shpërthyer gypi, e kemi lajmëruar rastin por ende nuk ka asgjë”, tha Daut Ibrahimi, banor i Sojevës.

“Qysh para 9 muajve është ky problem pasi gjatë punimeve në tensionin e lartë është bërë një avari këtu, disa herë e kemi njoftuar komunën, është urdhëruar që të intervenohet, por për shkak të mosmarrëveshjeve me kompaninë, siç duket, nuk kanë ardhë, kështu që kjo është situata dhe derisa nuk sanohet kjo gjendje nuk do të ketë rehati”, tha Sylejman Syla nga fshati Sojevë.

Përveç këtyre dy zonave, gjendje e njëjtë është edhe në fshatin Koshare, Muhoc, si dhe rruga kryesore në Prelez.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

13 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar