Ferizaj

Çka mendojnë ferizajasit për vendimin e KGJK-së?

Published

6 years ago

21 January, 2021

Komisioni Qendror i Zgjedhjeve, ka njoftuar dje se 47 kandidatë për deputetë kanë probleme me ligjin për të garuar në zgjedhjet e 14 shkurtit.

Sipas Komisionit Qendror të Zgjedhjeve, bazuar në përgjigjen e Këshillit Gjyqësor të Kosovës, këta 47 kandidatë të cilët janë në listat e partive që janë paraqitur në KQZ, janë shpallur fajtorë për vepra penale me vendim të shkallës së prerë të Gjykatave në tri vitet e fundit dhe si të tillë mund të mos kenë të drejtë të garojnë në zgjedhje.

E, këtë vendim nuk e kanë mirëpritur qytetarët ferizajas të cilët fajësojnë institucionet e drejtësisë dhe KQZ-në se janë duke bërë manipulime.

Sipas tyre, krejt kjo është duke u bërë për të mos e lënë Albin Kurtin të vie në krye të qeverisë.

“Nuk është në rregull çka është duke bërë KQZ-ja, e ka humbur kontrollën komplet, e para e bënë për neve diasporën me telefon që kjo nuk është në rregull, ndoshta unë nuk e dëgjoj telefonin dhe ma humb të drejtën për votë. Ndërsa për këtë vendimin e fundit mos me i lënë në lista kandidatët është manipulim, nuk është në rregull aspak, e gjithë bota është duke qesh me neve. Deri sa të vie Albin Kurti e Vjosa Osmani kështu do të shkoj“, tha Sadri Shijaku.

“Nuk duhet me i heq kandidatët prej listës, por duhet me u heq ata që janë në gjykatë, asnjë mos me lënë, të gjitha gjykatat nuk janë duke punuar për popullin e Kosovës, ky vendim që është marrë ne nuk e pranojmë, populli nuk e pranon, nuk vlen çka thotë një person, nëse populli e zgjedh nuk vlen një person me dëgju çka thotë”, tha një tjetër qytetar i Ferizajt.

“Është e padrejtë me u eliminu njerëzit që kanë merita, kuptohet për kë e kemi fjalën, për Albin Kurtin, është marri e Zotit me e eliminu, ai veprën e ka bërë, por krejt kjo është bërë veç me eliminu Albin Kurtin se e kanë nuhatë që do të fitoj bindshëm”, tha Hysen Ahmeti.

“Albin Kurti duhet me qenë në listë, ata që mendojnë me heq atë duhet me u heq vet nga ato karrige që janë”, u shpreh një qytetar i Ferizajt.

Por, ka edhe nga ata qytetarë që thonë se vendimi i Këshillit Gjyqësor të Kosovës është i drejtë, pasi kandidatët që kanë vepra penale nuk duhet të jenë nëpër institucione.

“I kam përcjell mjaft mirë, vendim i drejtë, nuk i kisha lënë nëpër poste udhëheqëse personat që janë të dënuar, për mua është gjithçka në rregull, duhet me vazhdu edhe më tej kështu, kryeministri me u zgjedh i dënuar kjo është jonormale“, tha Jahir Sokoli.

Komisioni Qendror i Zgjedhjeve aprovimin apo refuzimin e certifikimit të subjekteve politike dhe kandidatëve të tyre, do ta bëj më së largu deri nesër.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.