Ferizaj

Tejzgjaten punimet për renovimin e bibliotekës në Ferizaj

Published

6 years ago

22 January, 2021

Renovimet në objektin e bibliotekës së qytetit ”Sadik Tafarshiku” të filluara në vitin 2019, siç duket nuk do të përfundojnë shpejt. Punimet aty janë ndalur, ndërsa drejtues të këtij institucioni nuk janë në dijeni pse ka ndodhur një gjë e tillë.

“Renovimi pati filluar në fund të vitit 2019, faktikisht kati i dytë ka përfunduar, janë sistemuar librat, mirëpo kati i parë ka mbetur pa përfunduar dhe jashtë funksionit ka mbetur salla e leximit për fëmijë dhe disa sektorë të tjerë, është pak telashe pasi kati i parë është jashtë funksionit dhe jemi në pritje që të përfundojnë punimet, madje ne kemi parashtruar edhe një kërkesë në Drejtorinë e Kulturës që të shpejtohen punët e renovimit dhe jemi duke pritur përgjigje”, tha Teuta Demiri, drejtoreshë e bibliotekës.

Demiri thotë se edhe pasurimi i fondit librar është në rrezik, pasi nuk kanë ndonjë projekt të ri për furnizim të librave, përveç atij të mëhershmit që ishte ndarë gjatë qeverisë së kaluar në vlerë prej 100 mijë eurove.

“Librat janë duke ardhë nga një projekt i mëparshëm që jemi duke i regjistruar dhe zakonisht po pasurohet fondi librar edhe me libra që dhurohen nga persona të ndryshëm si poetë, shkrimtarë, kështu që po presim që fondi librar të pasurohet në vazhdimësi”, tha Demiri.

Gjatë ditës Televizioni Tema e pati të pamundur të marrë një përgjigje nga Drejtoria e Kulturës për këtë çështje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

9 hours ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

1 week ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.