Ferizaj

Nëna e pilotit të UÇK-së: “Na zgjidhje tjetër s’kena, përpos juve!”

Published

5 years ago

05 February, 2021

Pas vizitës se djeshme të përbashkët të kandidatit për kryeministër nga Lëvizja Vetëvendosje, Albin Kurti, dhe kandidates për presidente të vendit, Vjosa Osmani bërë një biznesi në Ferizaj, bujë të madhe në media bëri porosia e zonjës Drita Osmani, përndryshe nënë e pilotit të ndjerë të UÇK-së Besnik Osmani nga Ferizaj. Ajo iu drejtua dy pretendetëve për postet më të larta të vendit me fjalët:

“Tash naj prunën punën djemtë e tanë mos me mujt me punu këtu, kanë kry shkolla. Janë me shkolla, të edukuem e të arsimuem, tana i kanë. Po, na s’i kem ma djemtë n’shpi. Ç’ka me ba na? I kemi rritë, i kemi eduku…me i pasë ngat evlad… E jo kështu. Nëse punoni për popull, për shtet, keni me e pasë mbështetjen gjithmonë e jetë, keni me e pasë!
Nëse punoni për xhepat e juve, na ju hjekmi, sikur ata! Se këta, e kanë çue gatë, 21 vjet – shumë… janë ba milionera, miliardera. Po na s’ju lojmë qikaq gat me shkue!”

Në këto komente të nënës së pilotit të UÇK-së, kandidati për kryeministër, Albin Kurti duartrokiti me një pasion të rrallë, ndërsa presidentja në detyrë iu përgjigj ”Jo, mos na lini asnjë ditë!”.

Në fund, zonja Drita Osmani iu drejtua dy kandidatëve me fjalët:

“Na zgjidhje tjetër s’kena, përpos juve!”

Drita Osmani: Na zgjidhje tjetër s’kena, përpos juve (klip i autorizuar për përdorim nga KTV)

Ferizaj

Arrestohet i dyshuari për plagosjen e dy personave me thikë në Ferizaj

Published

6 mins ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M., 81 vjeç, ka pësuar therje në fytyrë dhe në gjymtyrë.

Ferizaj

Arratiset i dyshuari për plagosje me thikë të dy personave në Ferizaj

Published

1 hour ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.

Ferizaj

Hapet rast penal ndaj 32 vjeçarit në Ferizaj për armëmbajtje pa leje

Published

1 hour ago

10 July, 2026

Redaksia

Policia në Ferizaj ka nisur procedim penal ndaj një 32-vjeçari, pasi gjatë kontrollit të një automjeti i është gjetur një armë zjarri pa leje.

Rasti ka ndodhur më 9 korrik, rreth orës 19:20, në rrugën “Enver Topalli”, ku njësia e patrullës policore ka ndaluar për kontroll një automjet të tipit Lamborghini.

“Gjatë kontrollit, te pasagjeri, V. S., ( 32 vjeç) kanë gjetur dhe kanë sekuestruar një armë zjarri, pistoletë me tetë (8) fishekë.

Lidhur me rastin është njoftuar prokurori i Shtetit dhe është iniciuar rasti për veprën penale Mbajtje në pronësi, kontroll ose posedim të paautorizuar të armëve, ndërsa i dyshuari është liruar në procedurë të rregullt”, thuhet në njoftimin e policisë.