Ferizaj

“Favipiravir” përdoret vetëm tek rastet e rënda, mjekësia familjare nuk e rekomandon

Published

5 years ago

15 March, 2021

Kosova është i vetmi vend në rajon që ende nuk ka nisur vaksinimin kundër Covid-19, edhe pse është paralajmëruar se vaksinat e para do të vijnë gjatë muajit shkurt.

Por, përveç vonesës së vaksinimit, qytetarëve të Kosovës nuk po u jepet me kohë as ilaçi “Favipiravir” që në disa vende të botës po tregon rezultate pozitive në kurimin e kësaj sëmundjeje.

Në Kosovë ky ilaç u jepet pacientëve vetëm atëherë kur gjendja e tyre shëndetësore është e rënduar, derisa tentativa e parë për ta kaluar koronavirusin është përmes terapisë që përmban vetëm vitamina e paracetamol.

Hesat Shatrolli, mjek në Qendrën Kryesore të Mjekësisë Familjare në Ferizaj, thotë se protokolli i mjekësisë familjare nuk ua lejon përdorimin e ndonjë terapie tjetër, ndërsa në Spitalin e Ferizajt thanë se ”Favipiravirin” ua japin pacientëve të cilët kanë gjendje të rëndë shëndetësore si pasojë e infektimit me Covid-19.

“Protokolli në mjekësi familjare trajtohet vetëm me vitamina dhe antipiretik kundër temperaturës dhe dhimbjeve dhe nëse ka indikacion për antibiotik oral këtu përfundon ajo terapia në mjekësinë familjare. Realisht ka efekt pasi shumica e pacientëve e kalojnë me simptoma të lehta”, tha Shatrolli.

Shatrolli nuk e konsideron të lartë numrin e pacientëve të shtrirë nëpër spitale dhe numrin e të vdekurve, në krahasim me numrin e të infektuarve në vend.

“Në krahasim me numrin total të të infektuarve atëherë i bie që 6% kërkojnë trajtime spitalore, nuk besoj që është numër i madh i të shtrirëve në spital, pasi nëse marrim mbi 10 mijë pacientë të infektuar në spital nuk janë të shtrirë as mbi 1 mijë pacientë, që do të thotë se numri është i vogël, po ashtu edhe numri i të vdekurve nuk është i lartë nëse e krahasojmë me përqindjen e të infektuarve në Kosovë”, tha Shatrolli.

Disa vende të botës të cilat janë duke e përdorur ilaçin ”Favipiravir” kundër koronavirusit, kanë theksuar se efekti i tij është shumë i shpejt.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.