Ferizaj

Me ”Kafenë e Miqësisë” shënohet 24 marsi në Ferizaj

Published

5 years ago

24 March, 2021

Rrjeti i organizatave joqeveritare “AVONET” edhe këtë vit bëri bashkë përfaqësuesit e institucioneve në Ferizaj për të pirë ”Kafenë e Miqësisë dhe Falënderimit” në shenjë përkujtimi për bombardimet e NATO-s mbi caqet serbe.

Drejtori i “AVONET”-ti Kenan Gashi, tha se kjo datë është e pashlyeshme në historinë e marrëdhënieve shqiptaro-amerikane.

“AVONET-i këtë ditë e ka shënuar që sa vite dhe këtë ditë e kemi quajtur ditë të kafesë së miqësisë dhe falënderimeve ndaj forcave të NATO-s dhe të gjitha institucionet që kanë qenë duke kontribuar në ndërtimin e shtetit. Kjo ditë është ditë historike për Kosovën pasi shpresa e vetme e jona ka qenë të presim këtë ditë”, tha Gashi.

Ndërsa, kryetari i komunës së Ferizajt Agim Aliu, shprehu mirënjohje për të rënët për liri dhe për SHBA-të.

“Është kënaqësi që kemi këtu edhe veteranë të UÇK-së dhe që praktikisht më 24 mars ishte bashkim forcash për të bërë atë që ishte e munguar, liria, përpjekjet nuk kishin munguar asnjëherë për lirinë, por duhej bashkim forcash dhe pikërisht ishte UÇK-ja, ishin dëshmorët e invalidët që e kthyen vëmendjen e gjithë globit për të bërë këtë bashkim forcash që të arrihej liria, prandaj sot ne falenderojmë SHBA-të dhe jemi të bekuar për këtë miqësi që e kemi me ta”, tha Aliu.

Ky organizim i AVONET-it iu pëlqeu edhe përfaqësuesve të KFOR-it amerikan, të cilëve iu ndanë mirënjohje nga nikoqiri i këtij takimi.

“Dua të falënderoj të gjithë për bashkëpunimin e deritanishëm që e kemi pasur, faleminderit edhe për këtë aktivitet të sotëm“, tha Casidy Hoëard, rreshter amerikan.

Më 24 mars të vitit 1999, me urdhër të ish-Sekretarit të Përgjithshëm të NATO-s Havier Solana, kanë filluar sulmet ajrore të forcave të NATO-s kundër caqeve serbe në Kosovë dhe në Serbi.

Pas 78 ditësh të bombardimeve të NATO-s, Sllobodan Millosheviqi, atëbotë president i Serbisë, është dorëzuar në qershorin e vitit 1999 dhe ka pranuar Marrëveshjen e Kumanovës, ndërsa më 10 qershor, Këshilli i Sigurimit ka miratuar Rezolutën 1244, përmes së cilës ka vendosur administratën e përkohshme të OKB-së në Kosovë dhe ka fuqizuar praninë ushtarake të KFOR-it.

Ferizaj

Bëhet i ditur identiteti i viktimave të aksidentit tragjik në Gjermani

Published

4 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

4 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

6 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.