Ferizaj

Lirohet nga të gjitha pikat e aktakuzës zyrtari i ATK-së i akuzuar për korrupsion

Published

6 years ago

29 March, 2021

Gjykata Themelore në Ferizaj, të hënën, ka shpallur aktgjykim lirues ndaj inspektorit të Administratës Tatimore të Kosovës (ATK), Ibrahim Mustafa, i akuzuar për veprat penale “keqpërdorimi i pozitës apo autoritetit zyrtar” dhe “konflikti i interesit”.

Sipas aktgjykimit të shpallur nga kryetari i trupit gjykues, gjykatësi Mustaf Tahiri, me asnjë provë nuk është vërtetuar se i akuzuari ka kryer veprat penale për të cilat ngarkohej nga prokuroria, raporton “Betimi për Drejtësi”.

Lidhur me shpenzimet e procedurës, gjykatësi Tahiri ka thënë se të njëjtat bien në barrë të mjeteve buxhetore të kësaj gjykate.

Sipas aktakuzës, gjatë muajit prill të vitit 2016, në Kaçanik, si person zyrtar – Inspektor i Administratës Tatimore të Kosovës – rajoni Ferizaj, ka keqpërdorur detyrën e tij zyrtare me qëllim të përfitimit pasuror për tjetrin – vajzën e tij Jehona Mustafa, në atë mënyrë që si inspektor tatimor me rastin e vizitës inspektuese të ndërmarrjes tregtare “Bardhi B” me pronar Bardhyl Topojani, ka ndikuar te pronari që kontabilitetin e ndërmarrjes të ia mbajë vajza e tij Jehona Mustafa, të cilin shërbim deri në atë kohë e kryente kontabilisti, Mensur Tusha nga muaji gusht 2014 deri më 30 prill 2016, kurse nga muaji maj kontabilitetin e kësaj ndërmarrje ka filluar ta mbajë Jehona Mustafa.

Me këtë ka kryer veprën penale keqpërdorim i pozitës apo autoritetit zyrtarë nga neni 422 par.1 lidhur me par.2 nën par.2.1 të KPRK-së.

Gjatë muajit qershor të vitit 2018 në Ferizaj, si person zyrtar – Inspektor i Administratës Tatimore të Kosovës – rajoni Ferizaj, ka keqpërdorur detyrën e tij zyrtare me qëllim të përfitimit pasuror për tjetrin, vajzën e tij Jehona Mustafa, në atë mënyrë që si inspektor tatimorë ka kërkuar nga Mehmet Deliu – kryefamiljar i pronarëve të ndërmarrjeve “Obria” SH.P.K.,”OBRIA Vom” dhe “Fationi BI” me seli në Ferizaj që t‘ia marrë librat e kontabilitetit, kontabilistit Fehmi Ademi dhe të njëjtat t‘ia dorëzojë atij, me qëllim që kontabilitetin e firmës ta udhëheq vajza e tij, mirëpo pas lajmërimit të rastit në ATK dhe në Policinë e Kosovës nga kontabilisti Fehmi Ademi, librat e kontabilitetit përsëri pas dy muajve Fehmi Ademit. Me këtë ka kryer veprën penale keqpërdorim i pozitës apo autoritetit zyrtarë nga neni 422 par.1 lidhur me par.2 nën par.2.1 të KPRK-së.

Sipas pikës së tretë të aktakuzës, më 11 maj 2016 Kaçanik, si person zyrtar – Inspektor i Administratës Tatimore të Kosovës – rajoni Ferizaj, ka marrë pjesë në çështjen zyrtare – inspektim të ndërmarrjes tregtare “Bardhi – B” me seli në Kaçanik, në të cilën ka pasur interes financiar anëtari i familjes së tij, në atë mënyrë që ka ushtruar vizitë inspektuese në ndërmarrjen e përmendur së bashku me kolegun e tij Mejdi Sejdiun në të cilën ndërmarrje ka qenë e punësuar si kontabiliste vajza e tij Jehona Mustafa.

Me këtë ka kryer veprën penale konflikt i interesit nga neni 424 par.1 të KPRK-së.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

22 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar