Ferizaj

“Doni Fruits” furnizon “Burger Kingun” në 77 vende të botës

Published

5 years ago

05 April, 2021

Kompania ferizajase “Doni Fruits” ka arritur marrëveshje me kompaninë ndërkombëtare “Burger King”, për furnizim të saj në 77 vende të botës.

Kompania e cila punon në Kosovë, Shqipëri dhe Maqedoni të Veriut, konsideron se furnizimi i ”Burger Kingut” do të sjell edhe ndërkombëtarizim të kompanive kosovare, gjë që do të ndikoj edhe në shtimin e vendeve të reja të punës.

Drejtori për Financa në këtë kompani Bekim Sinani, shpreson që premtimi i Qeverisë për krijimin e një banke zhvillimore do të realizohet, sepse një institucion i tillë do të ndikonte pozitivisht tek fermerët dhe qendrat e grumbullimit, pasi që bankat komerciale në Kosovë kanë norma të larta të interesit për agronomi.

“Informaliteti është problem i rëndë për funksionimin tonë normal. Në fund çmimin për produkt e paguan konsumatori. Nëse ka mundësi të uljes së informalitetit edhe konsumatori për produktet e blera do të shpenzonte më pak. Kemi edhe humbje të tjera që nuk janë trajtuar nga qeveritë e kaluara. Nuk ka një ligj për humbjen në peshë në Kosovë, kjo është një çështje që shpresojmë që do të trajtohet që bizneset të kenë mundësi më të mirë në zhvillimin e tyre“, tha ai.

Sinani mendon se bujqësia ka nevojë për përkrahje në mënyrë që të zhvillohet ekonomia në vend.

“Është një potencial i madh për kompanitë për t’u njohur ndërkombëtarisht. Ta them një batutë “nëse malli më i kërkuar është paraja, atëherë do duhej të lihet anash si mall i kërkuar edhe pemtë dhe perimet”. Kontrata siç është kjo me ”Burger Kingun” vetvetiu krijon mundësi për njohje dhe për kredibilitet edhe për shtetin përmes kompanive që operojnë me kompani ndërkombëtare”, u shpreh Sinani.

Kompania “Doni Fruits” furnizon me pemë dhe perime edhe kampin “Bondsteel” në Ferizaj.

Ferizaj

Ferizajasi dorëzon në polici portofolin e gjetur me dokumente dhe 160 €

Published

16 hours ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

1 day ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

1 week ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.