Presidenti i Shteteve të Bashkuara të Amerikës, Joseph R. Biden, dje i ka dërguar një letër urimi Presidentes së Kosovës Vjosa Osmani, me rastin e pranimit të detyrës. Në letër thuhet:

“E nderuara Presidente Osmani,

Në emër të popullit Amerikan, ju lus të pranoni urimet e mia më të ngrohta për zgjedhjen tuaj si Presidente e Kosovës.

Vendet tona gëzojnë një partneritet të gjatë, të rrënjosur në vlera të përbashkëta. Dhe, siç e dini, familja Biden ka një lidhje personale me vendin tuaj. Djali im Beau me dashuri e ka kaluar  kohën në Kosovë duke punuar për të avancuar paqen dhe shtetin e së drejtës, dhe unë gjithmonë do ta çmoj kujtimin kur ai e solli gjithë familjen time më 2016 për të marrë pjesë në dedikimin e autostradës të emërtuar në nderim  të tij.

Unë dëshiroj të bashkëpunoj me ju lidhur me prioritetet e përbashkëta të Kosovës, përfshirë këtu forcimin e sundimit të ligjit, luftimin e korrupsionit, mbrojtjen e të drejtave të pakicave etnike dhe fetare, rimëkëmbjen nga pandemia COVID-19,  nxitjen e zhvillimit ekonomik dhe sigurimin e energjisë së qëndrueshme për të ardhmen.

Duke i kushtuar rëndësi të njejtë, Shtetet e Bashkuara do të vazhdojnë të mbështesin përpjekjet për të siguruar një paqe të qëndrueshme përmes dialogut produktiv midis Kosovës dhe Serbisë dhe përfundimisht të arrtijes së një marrëveshjeje gjithëpërfshirëse të normalizimit, e cila besojmë se duhet të përqëndrohet në njohjen reciproke. Normalizimi i marrëdhënieve me Serbinë është thelbësor që Kosova të realizojë potencialin dhe integrimin e saj në institucionet Euro-Atlantike. Unë e di që arritja e këtij qëllimi do të kërkojë fleksibilitet dhe kompromise të vështira gjatë atij rrugëtimi, dhe se Shtetet e Bashkuara do të jenë partner i juaj në çdo hap.

Faleminderit gjithashtu për letrën tuaj të 19 marsit mbi nevojën e Kosovës për vaksinat COVID-19. Administrata ime e ka si prioritet bashkëpunimin bilateral dhe multilateral me partnerët në mobilizim për të reaguar ndaj pandemisë.  Shtetet e Bashkuara kanë dhënë një kontribut fillestar prej 4 miliard dollarë për iniciativën GAVI në  mbështetetje të programit COVAX, për të furnizuar vaksina të sigurta dhe efektive për vendet në nevojë dhe unë isha u gëzova kur pashë që Kosova ka filluar të marrë pjesën e vaksinave nga COVAX.  Gjersa jemi duk e rritur furnizimet e vaksinave këtu në Shtetet e Bashkuara, ne po shqyrtojmë mundësitë për të bashkëpunuar me partnerët që të ndajmë atë që mundemi. Ekipi im do të mbetet në kontakt me ju gjersa këto përpjekje të vazhdojnë.

Në  pranim të detyrës suaj, ju lutem që të pranoni dëshirat e mia më të mira.

Sinqerisht,

Joseph R. Biden “