Ferizaj

Teatri i Ferizajt pa buxhet për të realizuar shfaqje të mëdha

Published

5 years ago

22 April, 2021

Gjatë muajit prill teatri i qytetit të Ferizajt “Adriana” ka zhvilluar katër shfaqje, pavarësisht ndikimit nga pandemia.

Edhe pse teatri është i detyruar të funksionojë me vetëm 20 për qind të sallës apo 52 vende të lira për publikun, kjo nuk e ka penguar teatrin e këtij qyteti që të realizojë shfaqje teatrale.

Megjithatë, drejtori i teatrit “Adriana” Fatmir Hyseni, thotë se buxheti i kufizuar po i pengon në realizimin e shfaqjeve të mëdha.

“Teatrot prej pas luftës dhe kultura në përgjithësi ka qenë e fundit në kuptimin e investimeve. Teatri prej vitit të kaluar ka hyrë në buxhet të rregullt, mirëpo prapëseprapë teatrot e qyteteve e kanë një buxhet të limituar për prodhimtari. Përpos që i kemi rrogat e garantuara që janë linjë buxhetore e veçantë, prapë është mjaft pak për të realizuar shfaqje të mëdha dhe të ketë siguri. Përpos asaj ka shumë probleme burokratike të cilat teatri nuk i duron”, theksoi Fatmir Hyseni.

Drejtoresha e Kulturës në komunën e Ferizajt, Xhemile Murati-Shabani, tregon se teatri i Ferizajt që nga viti i kaluar e ka trupën e rregullt dhe se për herë të parë është pajisur me elementet e nevojshme për teatrin.

“Dihet që teatri “Adriana” deri në këtë vit nuk e ka pasur buxhetin e vet, vitin e kaluar ishte hera e parë kur teatri “Adriana” e ka buxhetin e ndarë. I ka tri kategori: Pagat dhe mëditje, mallrat dhe shërbimet, subvencionet. Shuma totale e bxuhetit është mbi 176 mijë euro. Komuna e Ferizajt ka pasur vështirësi pasi që kostoja për të mirëmbajtur një teatër funksional do të ishte shumë e madhe dhe pa buxhet të veçantë ka qenë e vështirë. Dua të falënderoj aktorët e teatrit që pavarësisht vështirësive në teatër, artistët kanë qenë gjithmonë aktiv dhe vullneti i tyre ka qenë gjithmonë për bashkëpunim dhe për të dhënë emocione për publikun”, tha ajo.

Teatri pritet që të promovohet përmes shkollave të mesme, përmes ligjëratave, por edhe përmes takimeve të aktorëve me nxënësit dhe po ashtu promovimi pritet të bëhet përmes shfaqjeve në ambiente të hapura.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.