Ferizaj

Dita e Librit e gjen bibliotekën e qytetit pa hapësirën e nevojshme

Published

5 years ago

23 April, 2021

Dita Botërore e Librit këtë vit në Ferizaj u prit pa ndonjë organizim, për shkak të pandemisë që ka kapluar tërë botën.

Drejtoresha e bibliotekës “Sadik Tafarshiku” në Ferizaj, Teuta Demiri, tregon se për shkak të pandemisë numri i lexuesve ka rënë dhe se pak persona po e shfrytëzojnë sallën e leximit të bibliotekës.

“Biblioteka në Ferizaj zakonisht krahasuar edhe me vitet paraprake ka pasur lexues shumë. Në vit kemi anëtarësuar afër 4 mijë lexues dhe në ditë e kanë frekuentuar diku 300 lexues. Biblioteka ka qenë pikëtakim i studentëve dhe nxënësve. Kanë ardhur dhe kanë huazuar libra rregullisht dhe jemi një ndër bibliotekat me më së shumti numër të lexuesve, por tash ky numër ka rënë”, tha ajo.

Demiri shton se gjendja me pandeminë nuk është e lehtë as për lexuesit, meqë në sallë të leximit lejohet të jenë vetëm 25 lexues, mirëpo shton se të gjithë po iu përmbahen në përpikëri masave kundër virusit korona.

“Tani për tani biblioteka ka këtë hapësirë dhe nuk mundemi që kjo hapësirë të jetë më e madhe shkaku që ndërtesa është e tillë dhe me këto kushte që i ka biblioteka në një të ardhme shumë të afërt biblioteka nuk do të jetë në gjendje të plotësojë dëshirat dhe kërkesat e lexuesve, pasi që fondi librar po shkon duke u rritur çdoherë, po ashtu edhe numri i lexuesve. Mendojmë se Ferizaj duhet të mendojë për një bibliotekë dhe duhet ta ruajë një hapësirën diku për të ndërtuar një bibliotekë ashtu siç i takon një biblioteke“, u shpreh Demiri.

Dita e Librit ka filluar të shënohet më 23 prill 1995 nga UNESCO si ngjarje për promovimin e leximit dhe publikimit të librave.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim