Ferizaj

Mësimdhënësi rrahë një person në Ferizaj, rasti akoma në hetim

Published

5 years ago

27 April, 2021

Ditë më parë në media ka qarkulluar një video e një incidenti në Ferizaj ku shihet një person, i cili është mësimdhënës në një shkollë të Ferizajt, duke e goditur me shuplakë një person tjetër.

Në lidhje me këtë rast, Televizioni Tema ka biseduar me Policinë e Kosovës.

Zëdhënësi i Policisë në Ferizaj Kanun Veseli, tregon se personi i dyshuar është intervistuar nga policia dhe se me vendim të prokurorit rasti ka shkuar në procedurë të rregullt.

“Policia menjëherë i ka marrë veprimet e saja, ka identifikuar personin e dyshuar dhe ka inicuar një rast me vendim të prokurorit të shtetit. Tani për tani policia po grumbullon në vazhdimësi informacione në lidhje me këtë rast, është identifikuar një person që është mësues”, tha Veseli.

Ndërsa, drejtori i Arsimit në Komunën e Ferizajt Afrim Llabjani, thotë se në rastet kur merren masa ndaj mësimdhënësve ato futen në vlerësimin e performancës së tyre dhe kanë ndikim edhe në vazhdimin apo jo të kontratës së punës.

“Edhe ne e kemi marrë një informacion të tillë përmes mediave. Nuk kemi filluar të hetojmë në detaje rastin për faktin se kemi menduar se është rast jashtë objektit shkollor, diçka që nuk i përket Drejtorisë së Arsimit për t’u marrë me rastin pavarësisht se është konstatu se ai është mësimdhënës në një nga shkollat e Ferizajt. Kemi pasur pak kontakt me drejtorin e shkollës dhe sot e kemi një takim ku do të sqarojmë situatën dhe të shohim zanafillën e problemit. Nëse zanafilla e problemit është në shkollë, ne do ta shohim se çfarë masa ka marrë shkolla dhe cilat janë verpimet që duhet t’i bëjë shkolla që rasti të përcillet në Drejtori të Arsimit dhe në komision disiplinor që është i përbërë nga ekspertë të fushës. Komisioni merr informacionet nga shkolla, nga mësimdhënësi, por edhe nga pala e dëmtuar dhe arrihet përfundimi për ta shqiptuar një masë e cila do të korrenspodojë me veprën e bërë. Ne jemi të gatshëm të bashkëpunojmë edhe me organet kompetente dhe me qytetarët për të treguar që një gjë e tillë nuk lejohet në shkollat e tona”, theksoi Llabjani.

Nga burime jo zyrtare Televizioni Tema ka mësuar se personi i cili ka kryer veprën në fjalë është mësimdhënësi me inicialet G.R.

Rreth këtij rasti televizioni ka kontaktuar edhe me Prokurorinë Themelore në Ferizaj, përgjigja e të cilëve ishte se në prokurori nuk ka akoma rast të hapur dhe se një herë rasti po hetohet nga policia.

Ferizaj

Siguria juaj fillon me zgjedhjen e duhur të sigurimit

Published

14 hours ago

09 July, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Ferizaj

Arrestohet një i mitur në Ferizaj, i dyshuar për kanosje dhe armëmbajtje pa leje

Published

16 hours ago

09 July, 2026

Redaksia

Policia në Ferizaj ka arrestuar një 16 vjeçar nën dyshimin se ka kanosur dy persona me armë zjarri.

Sipas njoftimit të Policisë, rasti është raportuar më 08.08.2026, rreth orës 23:40. Në vendngjarje janë personat e përfshirë në incident. Në stacionin policor janë shoqëruar dy viktimat dhe një person i dyshuar.

Gjatë kontrollit, tek i dyshuari F.A. (16 vjeç) është gjetur një pistoletë me gaz dhe 6 fishekë.

Lidhur me rastin janë intervistuar dy viktimat, ndërsa personi i dyshuar, për shkak se ndodhej nën ndikimin e alkoolit, nuk ka qenë në gjendje të intervistohej.

Me vendim të prokurorit të shtetit, i dyshuari është ndaluar për 24 orë dhe ndaj tij është iniciuar procedura hwtimorw për veprat penale “Kanosje” dhe “Mbajtje në pronësi, kontroll ose posedim të paautorizuar të armëve.”

Ferizaj

Shkaku i asfaltimit bllokohet qarkullimi në rrugën Brezovicë – Prevallë

Published

17 hours ago

09 July, 2026

Redaksia

Për shkak të punimeve në rrugën R115, segmenti rrugor Brezovicë – Prevallë, mbyllur për qarkullim nga ora 08:00 deri në ora 18:00 të ditës së sotme (9 korrik 2026).

Në njoftimin e Ministrisë së Infrastrukturës bëhet e ditur se gjatë kësaj kohe është planifikuar asfaltimi i një segmenti rrugor në gjatësi prej 1,050 m.

“Mbyllja e përkohshme e këtij segmenti është e domosdoshme për garantimin e sigurisë së pjesëmarrësve në trafik dhe të personelit të angazhuar në punime, si dhe për të siguruar realizimin cilësor të shtresës së asfaltit”, thuhet mes tjerash në njoftim.

Ndërkaq policia, kërkon nga qytetarët mirëkuptim dhe kërkon që të shmangin lëvizjen në këtë rrugë në kohën e lartcekur duke shfrytëzuar rrugët alternative.