Ferizaj

Spitali i Ferizajt dhe QKMF pa barna për trajtimin e COVID-19

Published

5 years ago

27 April, 2021

Megjithë numrin e lartë të pacientëve me Covid-19 të shtrirë në Spitalin e Ferizajt, por edhe të atyre që dalin pozitiv me këtë virus brenda ditës në këtë qytet, institucionet shëndetësore publike në Ferizaj kanë mungesë të barnave antivirale për trajtimin e koronavirusit.

Megjithatë, gjendje më e mirë paraqitet tek barnat esenciale.

Hajriz Tahiri, shef i barnatores së Spitalit, tregon se kanë rreth 70% të barnave esenciale.

“Mendoj se gjendja e furnizimit të Spitalit të Ferizajt me barnat e listës esenciale është deri diku e mirë. Mbi 70% e mbulon furnizimi listën esenciale. I kemi disa produkte mungesë si sistemi i infuzionit, aplikator që vendoset tek pacienti për ta marrë infuzionin. Për terapi qëndrojmë më mirë, i kemi barnat edhe pjesën e barnave e cila përdoret për luftimin e Covid-19. Disa mungesa që po shpenzohen janë heparinat me peshë të vogël molekulare, e shpresoj që do të furnizohemi së shpejti. Sa i përket terapisë antivirale, na mungon remdesiviri dhe favipiraviri. Me favipiravir jemi furnizuar nga barnatorja qendrore dy herë rradhazi, sasinë që e kemi marrë ua kemi shpërndarë pacientëve dhe presim furnizim të rradhës”, tha ai.

Edhe barnatorja e Qendrës Kryesore të Mjekësisë Familjare në Ferizaj, gjendjen me barna esenciale e ka stabile, por jo edhe me ato antivirale.

Donjeta Guri nga kjo barnatore thotë se për shkak të pandemisë furnizimi me barna po bëhet në mënyrë emergjente, e jo në periudha mujore siç ishte bërë më parë.

“Për barna esenciale kemi furnizim, kemi antibiotikë dhe antiperitikë dhe disa lloje të tjera të barnave. Ndërsa, për Covid nuk kemi shumë sasi të mjaftueshme për personat e infektuar me këtë sëmundje, por kemi azitromicinën dhe disa lloje pak të cilat mundemi me i mbulu, ndërsa për mjete mbrojtëse kemi furnizime me të cilat i furnizojmë të gjitha pikat e tjera të QKMF-së”, u shpreh Guri.

Në Ferizaj janë dhënë 1 mijë e 560 vaksina anti-Covid, ku janë vaksinuar personeli shëndetësor publik e privat dhe personat e moshës mbi 75 vjeçare.

Ferizaj

Siguria juaj fillon me zgjedhjen e duhur të sigurimit

Published

2 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.