Ferizaj

Numri i personave nëpër xhami do të jetë i kufizuar

Published

5 years ago

12 May, 2021

Sot është dita e fundit e muajit të shenjtë për myslimanët, muajit të Ramazanit. Pas një muaji agjërim, nesër më 13 maj do të falet namazi i Fitër Bajramit.

Megjithatë, falja sivjet do të jetë më ndryshe për shkak të masave anti-Covid.

Kryeimami i Bashkësisë Islame në Ferizaj Sylejman Roshaj, tregon se xhamitë do ta falin namazin e Fitër Bajramit me gjysmën e hapësirës dhe se xhematlitë duhet t’i kenë sexhadet e tyre me vete.

“Namazin e sabahut nuk do të mund ta organizojmë në xhami, sepse është brenda periudhës së orës policore. Nëpër xhami do të organizohet vetëm falja e Bajramit dhe atë në afatin sa më të shkurtër sipas sugjerimeve që edhe imamët ta mbajnë hutben e Bajramit të shkurtër që xhematlitë të mos qëndrojnë gjatë në vende të mbyllura dhe në xhamitë tona do të jenë masat prezente edhe maskat edhe distanca dhe numri do të jetë më i kufizuar sesa herave të tjera”, thotë Roshaj për Tv Tema.

Kryeimami tutje tregon se falja e Bajramit kësaj here nuk do të bëhet në hapësira publike apo në sallën e sporteve në Ferizaj.

“Shkaku i pandemisë nuk kemi mundur të organizojmë faljen e Bajramit as në palestër as në shesh, për shkak se do vinte një turmë e madhe dhe në hapësirë publike nuk ke mundësi me e pas kontrollin 100%, prandaj për t’u ruajtur jemi organizuar vetëm nëpër xhami”, theksoi ai.

E, në Xhaminë e Madhe në Ferizaj për nder të festës së Fitër Bajramit u shpërndanë dhurata për fëmijët ferizajas.

“Gjatë tërë muajit të Ramazanit kemi qenë në adhurim ndaj të madhit Zot, pjesë e adhurimit është edhe respekti ndaj të moshuarve dhe ndaj fëmijëve. Pejgamberi ynë Muhamedi A.S ka thënë: Ai i cili nuk i mëshiron fëmijët dhe të moshuarit nuk është prej nesh. Ka qenë prej traditave të të parëve tanë që fëmijët të gëzohen për festat e Bajramit. Ne e kemi bërë një dhuratë dhe i falënderoj donatorët për dhurimin e mjeteve fiannciare për këtë organizim”, tha Mustafë Ahmeti, imam i Xhamisë së Madhe në Ferizaj.

Namazi i Fitër Bajramit do të falet në orën 5:53, ndërsa xhamitë do të hapen 10 minuta para faljes së Bajramit.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim