Ferizaj

Ferizaj furnizohet edhe me 1,380 doza të vaksinës kundër koronavirusit

Published

5 years ago

14 May, 2021

Në Ferizaj ka rinisur sot procesi i vaksinimit kundër koronavirusit për personat e moshës mbi 65 vjeçare. Interesimi i kësaj grup-moshe për ta marrë këtë vaksinë sot ishte shumë lartë. Madje, disa u detyruan të ulen edhe skaj rrugës për shkak të pritjeve të gjata.

Shefja e Vaksinimit në Ferizaj, Drita Nazifi-Emini, tregon se vetëm paraditën e sotme u vaksinuan 163 persona.

“Këto vaksina do të jepen si vaksina të dozës së parë për personat e moshës mbi 65 vjeç. Duke u bazuar në planin e vaksinimit, prioritet kanë pacientët e regjistruar në platformën E-Kosova, mirëpo nuk do të ketë përjashtime edhe për pacientët të cilët nuk janë regjistruar ata do të vijnë do të regjistrohen dhe do ta kenë mundësinë që të vaksinohen me dozën e parë të vaksinës Astra Zeneca”, thotë Nazifi-Emini.

Nazifi-Emini tha se janë furnizuar mjaftueshëm me vaksina kundër COVID-19.

“Vijnë regjistrohen dhe presin duke u bazuar në kushtet dhe rekomandimet e ruajtjes së distancës. Është një fluks shumë i shprehur dhe kemi mjaft të interesuar, por mund të informojmë se do të ketë vaksina të mjaftueshme për të gjithë personat mbi 65 vjeç”, shtoi Nazifi-Emini.

Basri Beqiri i cili sot e mori vaksinën kundër koronavirusit, tregon se procesi shkoi mirë.

“Sot unë e mora vaksinën. Kam ardhë në orën 8:00 fiks. Jam lajmëru tek motra medicinale për pranimin e kandidatëve. Procesi ka shku në rregull, paraprakisht më kontrolloi mjekja e cila e dha vlerësimin e saj për gjendjen time shëndetësore dhe pastaj jemi drejtu me marrë vaksinën. Admninistrata e dha vërtetimin që jam vaksinu dhe kjo ishte e tëra”, tha Basri Beqiri.

Dozat e dyta për të gjithë të vaksinuarit deri tani, janë paraparë të merren në muajin korrik.

Beqiri i cili dozën e dytë të vaksinës duhet ta marrë më 23 korrik ka edhe një porosi për personat që kanë dyshime ndaj vaksinës.

“Unë nuk kam vërejtë kurrëfarë ndryshimi gjatë këtij procesi të parë, nuk e di pse bahet kjo. Unë iu preferoj të gjithë atyre që kanë me marrë vaksinën që ta marrin, besoj që kalojnë si unë pa kurrëfarë problemi. Bile ka qenë një vaksinim shumë më i thjeshtë sesa vaksinat e tjera”, shtoi Beqiri.

Ferizaj kësaj radhe u furnizua me 1 mijë e 380 doza të vaksinës.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim