Ferizaj

Prezantohet projekti për sheshin e miqësisë me SHBA-të

Published

4 years ago

17 May, 2021

Pas pllakës që iu ngrit djalit të presidentit amerikan Joe Biden, Ferizaj po planifikon që të ndërtojë hapësirë të gjelbër dhe të ngrisë një shtatore edhe për presidentin amerikan, Joe Biden, si shenjë falënderimi për shtetin amerikan.

“Sheshi i miqësisë Kosovë-SHBA” dhe shtatorja planifikohen të vendosen në afërsi të kampit “Bondsteel” në Sojevë të Ferizajt.

Iniciatori i këtij projekti Faton Haxhisalihu, thotë se ky projekt do jetë si falënderim ndaj presidentëve amerikanë që ndihmuan Kosovën, duke filluar nga Woodroë Wilson, Bush, Obama e Trump.

“Me 17 shkurt 2021, në 13 vjetorin e pavarësisë së Kosovës, së bashku me Arsim Hetemin dhe Kenan Gashin diskutuam për madhështinë e kësaj feste. Kujtojmë miqtë tanë të cilët ishin me ne atëherë kur liria ishte vetëm një dëshirë e cila kishte filluar të dukej në horizont falë luftës çlirimtare. Gjatë kësaj bisede dhe aktiviteteve më 20 janar kur u inagurua presidenti i SHBA-së, Biden, shpalosëm idenë për rregullimin e një sheshi në të cilin do të vendoset edhe shtatorja e presidentit Biden”, thotë Haxhisalihu.

E, kryetari i Ferizajt Agim Aliu, pati një sugjerim për këtë projekt.

“Ne jemi të bekuar që kemi miq të tillë dhe jo kjo që do të jetë shesh i miqësisë, por do të duhej të shtohet fjala “e përjetshme” pasi që miqësia është e përhershme me shtetet e Bashkuara të Amerikës”, tha ai.

Koloneli amerikan Drake McGraw u shpreh falënderues për këtë projekt.

“Dua t’iu falënderoj për këtë projekt që do ta zbukurojë kampin ”Bondsteel” dhe do të nderojë miqësinë tonë. Jam këtu prej 2 vitesh dhe partneriteti me popullin e Kosovës është i mrekullueshëm”, theksoi ai.

Projektuesi i këtij projekti tregon se sheshi dhe shtatorja parashihet të kenë kosto prej më shumë se 500 mijë eurosh, para të cilat, sipas iniciatorëve, do të sigurohen nga donatorët.

“Koncepti i këtij projekti u diktua nga rrjedha e lumit që gjendet në parcelën ekzistuese. Në aspektin simbolik, por edhe në fromat organike të lumit, ishin bazë e ideimeve të shtigjeve dhe hapësirave gjelbëruese brenda projektit. Fokusi patjetër që është tek statuja e presidentit Joe Biden. Hapësirat organike, por edhe piedestali ku është e vendosur statuja bën që ajo të përjetohet si më madhështore. Pjesë tjera janë projektuar në harmoni me peisazhin natyrorë përrreth duke mos e cenuar asnjëherë atë“, tha Granit Zeqiri.

Në gusht të vitit 2016 kur u prezantua pllaka për të birin e Joe Biden, Beau Biden, u vendos që edhe rruga magjistrale Ferizaj-Gjilan të mbaj emrin ”Joseph R. “Beau” Biden”, në afërsi të së cilës do të ndërtohet edhe ky shesh.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.