Ferizaj

Gastronomët ferizajas ankohen për mossubvencionim të pagave dhe qirave

Published

5 years ago

18 May, 2021

Në fillim të muajit prill Qeveria e Kosovës kishte marrë vendim që sektori i gastronomisë të punojë vetëm me shërbimin merr me vete.

E për dy javët sa zgjatën këto masa, Ministria e Financave u pati premtuar gastronomëve që do t’ua paguajë gjysmën e pagave të punëtorëve dhe gjysmën e qirasë.

Megjithatë, sipas gastronomëve ferizajas, këto pagesa akoma nuk kanë ndodhur.

“Për momentin nuk ka ndodhë, punëtorët janë duke i pritë qato i ka premtu Qeveria. Nuk ka asgjë prej Qeverisë, premtimet i ka dhanë, por nuk i ka realizu ende”, tha Artan Bajraliu, pronar i ”Cherry Lounge&Bar”.

“Deri në qeto momente nuk na ka dalë asnjë pagesë prej Qeverisë. Po presim, edhe pse ministri Murati tha që janë ekzekutu një përqindje, por garant nuk jemi në atë përqindjen e parë ne”, thotë Behar Osmani, pronar i ”Barabar Lounge”

Osmani e Bajraliu tregojnë se gjatë tërë periudhës së pandemisë kishin vështirësi në punë duke filluar nga oraret e shkurtuara, por edhe gjobat nga inspektorët të cilët, sipas tyre, kishin qasje dhe kërkesa të pabarabarta sa u përket lokaleve të gastronomisë.

Ata shprehen të gatshëm të protestojnë nëse qeveria nuk i plotëson premtimet e saj.

“Ne do ta përkrahim kryetarin e gastronomëve Kllokoqin edhe pse arsyeja është që nuk na lanë me punu dhe nuk na ndihmuan asgjë. Ky është dëm që po dëmtohemi ne e jo Qeveria, nëse na ndihmon Qeveria ne do ta respektojmë Qeverinë, qysh jemi duke e respektu deri tash. Në favor tonin nuk ka kurgja përveç dënimeve të inspektorëve. Në favor tonin është duke ardhë dënim për me na dëmtu. Ne veç dënime sa kemi na ndihmon sa të duash, s’ka nevojë me na qitë, nëse është problemi tek pagesat që i kanë premtu ata”, shtoi Bajraliu.

“Shoqata e gastronomëve disa herë ka paralajmëru protesta, por asnjëherë nuk i ka çu deri në fund. Nuk e di a është faji i Petritit (Kryetar i Shoqatës së Gastronomëve) apo i gastronomëve që nuk iu kanë përgjigjur ftesës. Protesta është mjet demokratik që përdoret në gjithë botën, edhe ne duhet me protestu, por mendoj që ne duhet ma shumë me i respektu masat anti-Covid që kërkohen nga institucionet shtetërore”, deklaroi Osmani.

Masat që jani tani në fuqi ua mundësojnë punën gastronomëve deri në orën 22:30 kur edhe fillon ora policore.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim