Ferizaj

Mes lotësh përkujtohet kompozitori Fahri Beqiri

Published

5 years ago

18 May, 2021

Kompozitori dhe ish-profesori Fahri Beqiri, ka vdekur sot në moshën 85 vjeçare. Beqiri gjatë karrierës së tij ka themeluar festivalin “Kosovarja Këndon” dhe ishte bashkëpunëtor i ngushtë me Ansamblin e Këngëve dhe Valleve “Kastriotët” në Ferizaj.

Bashkëpunëtoret e tij në “Kosovarja Këndon” dhe Ansamblin “Kastriotët”, Sadije Çarkaxhiu dhe Lindita Isufi, e kujtojnë profesor Fahriun si profesionist të madh.

“Me profesor Fahri Beqirin njihem shumë herët, si anëtare e ansamblit “Kastriotët, pesë dekada gati kemi qenë bashkë me të. Profesor Fahriu ka qenë babë i ansamblit, babë i festivalit “Kosovarja Këndon”. Kemi pas bashkëpunim të ngushtë me të, kemi punu shumë ditë e natë. Ka qenë një njeri i palodhur, njeri vërtetë që me mish e me shpirt i është kushtu ansamblit dhe festivalit. Profesor Fahriu ka jetu në Prishtinë, por një pjesë të jetës e ka pas në Ferizaj”, thotë Çarkaxhiu për Tv Tema.

“Me profesor Fahri Beqirin ka qenë kënaqësi e madhe me punu, por mbi të gjitha ka qenë ajo që unë isha studente e tij. Gjatë shkollimit tim ka qenë një shtyllë e madhe për mua. Mësimet dhe këshillat që na i ka dhënë mua dhe studentëve të tjerë kanë qenë shumë të mira dhe na kanë shërby gjatë zhvillimit tonë profesional si muzicientë të ardhshëm. Bashkëpunimi me të ka qenë shumë i mirë, kam përfitu shumë nga puna dhe vlerat e tij që i ka pas si artist, njeri i dashtur e kërkues në punë. Ka qenë ambicioz e ka kërku tepër, por gjithsesi realizimi i festivalit në fund ka qenë i mrekullueshëm”, theksoi Lindita Isufi.

Çarkaxhiu dhe Isufi mes emocionesh ndanë edhe kujtime të veçanta me profesor Fahriun.

“Kemi kujtime të ndryshme, e di në një moment kur kishim një incizim në televizion edhe tha silluni mirë, qëndroni mirë, mos prekni hundë e as fytyrë, sepse çdo send incizohet edhe ishte shumë i rreptë në ato momente, tha po ju lutem kështu të jeni të vendosur”, tregoi Çarkaxhiu.

“Gjithmonë më ka thanë fjalë të mira dhe ato më kanë shty me vazhdu me punën time profesionalisht. Ka ditur edhe me dhanë kritika, por gjithsesi çdo bisedë e takim gjatë provave dhe studimeve gjithmonë ka bisedu rreth muzikës, rreth profesionit”, deklaroi Isufi.

Varrimi i profesor Fahri Beqirit u bë në orën 17:00 në varrezat e Prishtinës.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim