Ferizaj

Agim Aliu sërish kandidat për kryetar të Ferizajt

Published

5 years ago

04 June, 2021

Kryetari aktual i Ferizajt Agim Aliu, u kandidua përsëri për këtë pozitë nga Partia Demokratike e Kosovës.
Zyrtarizimi i kandidaturës së tij u bë në prani të ushtruesit të detyrës së kryetarit të PDK-së Enver Hoxhaj, gjatë një aktiviteti të organizuar në ambientet e sallës së sportit ”Bill Clinton” në Ferizaj.
Me këtë rast Aliu tha se qeveritë e kaluara në Ferizaj kanë sjellur pabarazi, por me fitoren e tij Ferizajt iu kthye zhvillimi e barazia.
Aliu shtoi se janë në kapërcim të pritjeve të vitit 2017 dhe se projektet e qeverisjes së tij kanë gërshetuar përkushtimin për të gjitha moshat, pavarësisht se ishte qeveria që në poste udhëheqëse kishte moshën më të re. Aliu tha se ka projekte per ndryshimin e Ferizajt deri ne vitet 2030 e 2035.

Ndërsa, U.D i Kryetarit të PDK-së Enver Hoxhaj, tha se puna e Aliut po e ndryshon Ferizajn.

Ferizaj

Raportohet zhdukja e një djali në Ferizaj

Published

2 hours ago

11 June, 2026

Redaksia

Policia e Kosovës ka njoftuar se një djalë është raportuar i zhdukur në Ferizaj.

Zhdukja e të riut është raportuar të martën mbrëma, rreth orës 18:00.

“Më 10.06.2026 një femër kosovare ka raportuar se djali i saj është larguar nga shtëpia dhe nuk kanë njohuri për vendndodhjen e tij”, thuhet në raportin 24-orësh të Policisë.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

1 week ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

1 week ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.