Ferizaj

Llabjani: Punësimet në arsim në pajtueshmëri me ligj

Published

5 years ago

07 June, 2021

Konkurset për punësim në drejtorinë e Arsimit në Ferizaj zhvillohen në përputhje me të gjitha kriteret e përcaktuara me anë të udhezimeve administrave të Ministrisë së Arsimit si dhe të ligjeve në fuqi, thotë Drejtori për Arsim në komunën e Ferizajt Afrim Labjani, në një intervistë për Televizionin Tema.

“Varësisht nga kërkesat e shkollave të cilat na sjellin ne kemi edhe disa udhëzime administrative respektivisht normative të Ministrisë së Arsimit të cilat e rregullojnë edhe çështjen e pranimit të kuadrove, kemi një normativ të veçantë për mësimdhënësit ku pranohen për të dy nivelet, kur flasim për te dy nivelet e kemi parasysh për shkollat profesionale është një udhëzim apo normativ i veçantë ndërsa për shkollat e përgjithshme është një udhëzim i veçantë. Në të gjitha këto udhëzime parashihen edhe ato nivele të shkollimit të cilat parashihen për të përfunduar por edhe gradat shkencore të cilat duhet t’i kenë të gjithë mësimdhënësit për të aplikuar dhe për të patur përparësitë e pranimit në marrëdhënie pune”. tha Llabjani.

Drejtori Llabjani thotë se në disa raste ka pasur edhe ankesa gjatë procesit të konkurrimit për punë, mirëpo të gjitha ato janë shqyrtuar konform dispozitave ligjore.

“Kemi pasur ankesa që parashtrohen në kuadër të ankesave dhe parashtresave që kemi në nivel komunal, pastaj komisioni i ankesave që është në nivel komunal merr informacionet e duhura nga drejtoria e arsimit se si është vepruar dhe se çfarë ka ndodhur gjatë këtij procesi të konkurimit por në fat nëse kemi prap të pakënaqur në këtë drejtim atëherë është edhe shkalla e dytë e inspektoriatit të punës e cila mund të na sjellë ndonjë vendim që nuk ka koincidu konform atyre rregullativave të cilat i kemi, megjithate deri më tani nuk kemi pasur ndonjë ankesë për prishje të ndonjë konkursi pos që kemi pas kërkesë për rishqyrtim të konkursit në mënyrë qët të intervistohen apo të thirren në intervistim të njejtit aplikant, kemi pas një apo dy raste mirëpo që prap ka rezultuar të jetë gjithqka në rregull sepse thash që komisioni e ka për obligim ta respektojë tërë rregullativën ligjore e cila e rregullon mënyrën e punësimit qoftë për administratë, qoftë për mësimdhënës apo qoftë edhe për nivelin parashkollor”. u shpreh Llabajani.

E sa i përket procedurave të punësimit me rekomandim, drejtori Llabjani e pati këtë sqarim:

“Duhet ta kemi parasysh një gjë, ka specifika në sistemin arsimor respektivisht për punësimin në sistemin arsimor, ne kemi mësimdhënës që ad hok mund ti ndodhë diçka, kemi raste kur mësimdhënësi ka pësuar ndonjë atak në jetën e tij në shëndetin e tij dhe ne është dashur qysh në ditën e nesërme ta zavëndësojmë këtë, ne jemi munduar ta përcjellim një listë të konkurrentëve ku nga ajo listë pritëse siç i themi ne, të marrim ata kandidat të cilët kanë qenë duke pritur në rend dhe për të angzhuar mësimdhënës të caktuar në lëndë të caktuar në mënyrë që nxënësit të mos humbin mësim”, tha ndër të tjera Llabjani.

Sipas drejtorisë së arsimit në Ferizaj, që nga fillimi i vitit 2021 janë punësuar 21 persona në sektorë të ndryshëm të sistemit arsimor komunal . (TV TEMA)

Editoriale: Lidhur me storjen e publikuar, nëse qytetarët kanë komente, ankesa ose dëshmi për parregullsi të mundshme gjatë konkurseve në arsim, ju lusim të na dërgoni porosi në faqen Facebook të Televizionit TEMA. Identiteti i juaj do të mbetet i mbrojtur.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar