Botë

KFOR-i Britanik mbetet të paktën deri më 2023

Published

5 years ago

15 June, 2021

Qeveria e Mbretërisë së Bashkuar vazhdon me përkushtimin e saj për ruajtjen e paqes dhe sigurisë në Kosovë, duke e vazhduar prezencën e trupave të saj në kuadër të forcës paqëruajtëse KFOR, të pakën deri më 2023. Në komunikatën e Londrës ndër të tjera thuhet:

” Trupat e Mbretërisë së Bashkuar do të vazhdojnë të kontribuojnë në misionin e NATO-s në Kosovë (KFOR) së paku deri në vitin 2023. Prania e vazhdueshme e personelit të Ushtrisë Britanike në forcën e NATO-s, e cila për më shumë se dy dekada ka ndihmuar në ruajtjen e një ambienti të qetë dhe të sigurt në Kosovë, sinjalizon angazhimin e vazhdueshëm të Mbretërisë së Bashkuar për operacionet e NATO-s dhe rajonin e gjerë të Ballkanit Perëndimor.

Ministri Britanik i Mbrojtjes Ben Wallace sot ka deklaruar:

“NATO është themeli i sigurisë së Mbretërisë së Bashkuar, dhe do të mbetet kështu për arsye se Forcat tona të Armatosura janë gjithmonë duke mbrojtur paqen krah për krah me partnerët tanë. Zgjatja e angazhimit tonë në KFOR, thekson angazhimin tonë të palëkundur ndaj rajonit të Ballkanit Perëndimor, ku NATO ka ndihmuar në sigurimin e stabilitetit për më shumë se dy dekada.”

Botë

Izraeli thotë se ka vrarë zyrtarë të lartë të inteligjencës iraniane

Published

5 days ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

5 days ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

5 days ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë