Ferizaj
Pensionohet mësimdhënësi e shkencëtari shembullor – prof. Gani Xhemajli
Sot në ambientet e SHFMU “Jeronim De Rada”, kolegët dhe familjarët janë mbledhur në festë për t’ia uruar ditëlindjen e 65-të profesorit të mirënjohur të fizikës – Gani Xhemajli nga Ferizaj, në ditën e cila simbolizon edhe përmbylljen e karrierës së tij mbi 45 vjeçare si mësimdhënës i fizikës në këtë shkollë.
Profesori Gani Xhemajli ka dhënë kontribut të jashtëzakonshëm për zhvillimin e mësimdhënies së teorisë së fizikës përmes eksperimentit praktik, duke e nxitur mendimin kritik dhe analitik tek nxënësit ndër shumë gjenerata.
Për punën e tij shumëvjeçare, profesori Gani Xhemajli ka pranuar shumë mirënjohje nga organizata dhe prindër, ndërsa falë seriozitetit të tij në punë dhe përkushtimit për zhvillimin e lëndës së fizikës, shkolla “Jeronim De Rada” e Ferizajt ka arritur të përfitojë vende të para në gara, disa grante dhe një kabinet të fizikës nga donatorë të huaj.
Gjatë këtij muaji, para ditëlindjes së 65-të, profesorin Gani e kanë vizituar e falenderuar edhe nga largësia shumë ish-nxënës të tij, të cilët sot udhëheqin kompani të ndryshme nëpër botë ose që e studiojnë shkencën nëpër universitetet europiane dhe amerikane me renome. Gjatë karrierës së tij të bujshme profesionale, fizikani Ferizajas është shquar për organizmin e kuizit tradicional të fizikës, i cili është transmetuar edhe në televizion. Ndërsa gjatë fazës së mësimit online, profesori Gani ka improvizur klasën e fizikës në shtëpinë e tij, për të prodhuar orët më atraktive të fizikës eksperimentale online në Kosovë e më gjerë.
Redaksia e TV TEMA e falenderon profesorin Gani Xhemajli për kontributin e tij dhënë edukimit kualitativ të brezave të ri, i urojmë shëndet të mirë dhe vazhdim të karrierës së shkencëtarit, për të cilin ky qytet dhe vend ka ende nevojë. Urime profesor!
-
Kosovë1 week agoKushtetuesja: Qeveria u zgjodh në përputhje me Kushtetutën, presidenti të zgjidhet deri më 6 tetor
-
Kosovë4 days agoKuvendi i Kosovës miraton deklaratën lidhur me aktgjykimin e Speciales
-
Kosovë5 days agoNëntë të arrestuar për krime lufte në Zubin Potok lidhur me rastin e “Grupit të Intelektualëve”
-
Kosovë1 week agoNisma për ndryshimin e ligjit të Speciales është dërguar për mendim në Qeveri
-
Ferizaj1 day agoFestim Ramadani dënohet me 16 vjet burgim për vrasjen në Bibaj të Ferizajt
-
Kosovë1 day agoSot nga ora 16:00 mbahet marshi protestues “Jo në emrin tim!”