Ferizaj
Mungesë vaksinash, apo frikë nga “mikroçipi i Bill Gates-it”?
Gjatë dy ditëve radhazi, qendra e vaksinimit anti-Covid në Ferizaj ishte poathuajse e zbrazët. Por se a po ndodhë kjo për shkak të mungesës së vaksinave apo për shkak të frikës së një pjese të qytetarëve nga vaksinat, si pasojë e teorive konspirative, që njihet edhe si “çipo-fobi”, kjo akoma nuk po dihet. Kjo sepse drejtoresha e QKMF-së, Nadire Imeri është në pushim, ndërsa zyrtarët tjerë përgjegjës për vaksinim nuk pranuan të prononcohen. Megjithatë nga bisedat me qytetarët që po vaksinohen, u kuptua që shumica e tyre po marrin dozën e dytë të vaksinës, teksa thonë se nga marrja e vaksinës nuk kanë pasur telashe shëndetësore.
“Sot unë e kam marrë dozën e dytë të vaksinës anti-Covid, Pfizer. Kam kalu mirë edhe në dozën e parë edhe në dozën e dytë. Stafi mjekësor ishin shumë të përgatitur dhe në nivel. Pritja është shumë e bukur, nuk paska kallaballëk, nuk paska kolona. Çdo lavdatë shkon për mantilbardhët. Këshilla ime për të gjithë qytetarët e vendit tonë të vaksinohen sa më shpejtë. Mos të hezitojnë e ngurrojnë, por le ta marrin dozëne vaksinimit sepse për momentin vaksinimi është i domosdoshëm, të dalim nga kjo krizë, nga kjo pandemi që na pat blloku. E këtë sëmundje disa e kemi përballu rëndë e disa të tjerë edhe kanë vdekë, por për ta kaluar sa më lehtë dhe mirë duhet të vaksinohemi të gjithë” thotë Sevdai Haxhiu, qytetar nga Ferizaj.
“Të parën e kam marrë para dy muajsh, tash e mora të dytën. Mirë shumë kam kalu me të parën por edhe me të dytën. Ju kisha ba të gjithëve të fala, që të gjithë me marrë vaksinën se pa e marrë vaksinën nuk bënë. Kërkah sun shkon pa i marrë dy vaksina”- u shpreh Ruzhdi Tahiri, qytetar i vaksinuar
Televizoni Tema nga burime jozyrtare mëson se dje në Ferizaj janë dhënë diku mes 200 deri në 300 vaksina anti-Covid, teksa rreth 80 për qind e tyre ishin doza të dyta. Më 15 qershor, Ministria e Shëndetësisë kishte shpallur vaksinimin masiv të qytetarëve, ndërsa ministri i shendetësisë Arben Vitia dje ka bërë të ditur se një dërgesë e re me vaksina do të mbërrijë në Kosovë gjatë javës së ardhshme .
Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.
Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.
“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.
Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.
Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.
Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .
Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.
-
Ferizaj1 week agoVritet një grua dhe plagoset një burrë në Qendrën për Punë Sociale në Ferizaj
-
Ferizaj1 week agoVrasja në Ferizaj – I arrestuari është ish-bashkëshorti i viktimës
-
Ferizaj2 days agoNë Ferizaj arrestohen tre persona për posedim të narkotikëve
-
Ferizaj1 week agoI dyshuari për vrasjen dhe plagosjen në Ferizaj dërgohet në mbajtje për 48 orë
-
Ferizaj4 days agoArrestohet një person i kërkuar në Ferizaj
-
Kosovë1 week agoAktakuzë ndaj 16 personave për ryshfet, mashtrim e keqpërdorim detyre në rastin “Subvencionet 6”
-
Kosovë4 days agoGruaja e vrarë sot në Pejë, punonte si asistente stomatologjike
-
Kosovë4 days agoPolicia shpall në kërkim xhudistin kosovar Akil Gjakova
-
Kosovë3 days agoVon Cramon i kërkon Serbisë lirimin e menjëhershëm të udhëtarëve nga Kosova
-
Kosovë3 days agoLirohen disa nga kosovarët e ndaluar në kufirin Serbi-Kroaci
-
Kosovë3 days ago
MPJ : Qytetarët të shmangin “me çdo kusht” kalimin nëpër Serbi
-
Kosovë4 days agoPresidentja Osmani e shpallë të mërkurën ditë zie shtetërore
-
Kosovë3 days agoKryeministri Kurti akuzoi Serbinë për shkelje të rëndë të të drejtave të njeriut
-
Kosovë3 days agoLirohet Fahri Fazliu – EULEX ia konfiskon telefonin