Ferizaj
Nxënësja nëntëvjeçare lëndohet nga punimet pranë oborrit të shkollës
Ishte nisur për të shkuar në shkollë, por teksa po ecte nëpër oborrin e shkollës mëngjesin e së premtes, vajza nëntë vjeçare e familjes Ferizati u godit nga një copëz betoni e cila ra nga kjo ndërtesë këtu.
Babai i vajzës, Arben Ferati ndjehet fatlum që vajza i shpëtoi me lëndime të lehta, megjithatë ankohet për pasigurinë e fëmijëve edhe në oborr të shkollës.
“Kanë ra copa të vogla të betonit dhe të bllokut, i ka ra në këmbë, e djalit në kolicës, po ska pasë lëndime se e ka pasë rrjetën. Nuk kemi mendu që në oborr të shkollës na ndodhin qato sene, tu ardhë në shkollë me pru vajzën, na ka ndodh, edhe kam bërtitë në ato momente, ju kam thanë a jeni normal me i hudhë ato sende, është lëndu vajza, tash po frigohet me ardhë këndej, e nuk është në rregull se në oborr të shkollës duhet me qenë i sigurtë fëmiu… E kam pas te mjeku, është duke përdorë ilaqe, nuk ka ndonjë lëndim të madh, tek gjuri i ka lëndu nyjet por tash po ka frikë po duhet me e pru rreth e rrotull” tha Arben Ferati, prind i vajzës së lënduar.
Nga pamjet shihet se punëkryesi i kësaj ndërtese ka dëmtuar edhe rrethojën e shkollës “Gjon Serreqi”:
“Është një nxënës i klasës së katërt që ka pësuar lëndime nga pakujdesia e punëkryesëve këtu në kufi me shkollën tonë. Në gjithë perimetrin e shkollës janë ndërtuar ndërtesa të larta dhe po vazhdojnë të ndërtohen, ato po ngushtojnë hapësirën por edhe po shfaqin rrezikshmëri për të gjithë ne këtu që jemi… Për rrezikshmërinë kemi reaguar tek organet komunale si Drejtoria e Arsimit, e Urbanizimit por edhe Inpektoratin e Punës. Janë përgjigjur që do të dalin, mirëpo ne kemi vërjetur që punëkryesit kanë ndërmarrë diçka, por jo në atë masën e mbrojtjes totale” tha Nazmi Heda, drejtor i shkollës fillore “Gjon Serreqi”
Me këtë rast po mirret edhe Policia e Kosovës, ku zëdhënësi Kanun Veseli thotë se ky rast do të procedohet në prokurori.
“Me datë 25.06 rreth orës 09:48, Policia e Ferizajt ka pranuar një informacion se është lënduar një vajzë nëntë vjeçare nga disa copëza blloqesh, pranë një objekti në ndërtim në rrugën “Kuvendi i Arbërit” në Ferizaj. Policia ka dalë në vendin e ngjarjes, të shoqëruar nga njesia e hetimeve që pastaj i ka kalu rasti kësaj njesie. Hetuesit e Stacionit Policor në Ferizaj për shkak të parregullsive të punimeve kanë ftuar edhe Inspektoratin e Punës së Kuvendit Komunal të Ferizajt nga të cilët po pritet një raport që të kallëzohet rasti në prokurori”
Në kërkesë të përgjigjes për masat e ndërmarra mbrojtëse, ne vizituam edhe inspektoratin e punës në Ferizaj, por inspektorët aty nuk u pronocuan pa e pasur lejen e shefit të tyre i cili ishte në pushim vjetor.
-
Ferizaj1 day agoKërcënohet me jetë Kenan Gashi, drejtor ekzekutiv i “AVONET”
-
Ferizaj1 day agoPolicia në kërkim të dyshuarit të dytë për plagosjen me armë zjarri mbrëmë në Ferizaj
-
Kosovë5 days agoPolitikani Sandulloviq falënderon presidenten Osmani për ngritjen e çështjes së tij në OKB
-
Ferizaj5 days agoArrestohet ferizajasi pasi kanosi një grua përmes rrjeteve sociale
-
Kosovë5 days agoDënohen me 62 vjet burgim të akuzuarit për dhunimin e vajzës 11 vjeçare
-
Kosovë5 days agoSuspendohet nga puna profesori universitar Xhevat Krasniqi
-
Ferizaj5 days agoArrestohet një person në Ferizaj – Policia i gjen 343 gram marihuanë në shtëpinë e tij
-
Kosovë3 days agoEdhe dy muaj paraburgim për të dyshuarit e sulmit në Banjskë
-
Kosovë6 days agoOsmani në OKB: Serbia po e eskalon agresionin ndaj Kosovës
-
Arbëri3 days agoBalotazhi për president të Maqedonisë së Veriut më 8 Maj
-
Botë5 days agoNë Maqedoninë e Veriut sot ka nisur heshtja zgjedhore
-
Kosovë2 days agoPakot e cigareve dhe duhanit tash e tutje me ilustrime dhe porosi për efektet negative
-
Ferizaj5 days agoShtyhet nisja e gjykimit ndaj dy ish-drejtorëve dhe tre zyrtarëve të urbanizmit
-
Ferizaj4 days agoArrestohet një ish zyrtar i gjendjes civile në Ferizaj