Ferizaj
Nxënësja nëntëvjeçare lëndohet nga punimet pranë oborrit të shkollës
Ishte nisur për të shkuar në shkollë, por teksa po ecte nëpër oborrin e shkollës mëngjesin e së premtes, vajza nëntë vjeçare e familjes Ferizati u godit nga një copëz betoni e cila ra nga kjo ndërtesë këtu.
Babai i vajzës, Arben Ferati ndjehet fatlum që vajza i shpëtoi me lëndime të lehta, megjithatë ankohet për pasigurinë e fëmijëve edhe në oborr të shkollës.
“Kanë ra copa të vogla të betonit dhe të bllokut, i ka ra në këmbë, e djalit në kolicës, po ska pasë lëndime se e ka pasë rrjetën. Nuk kemi mendu që në oborr të shkollës na ndodhin qato sene, tu ardhë në shkollë me pru vajzën, na ka ndodh, edhe kam bërtitë në ato momente, ju kam thanë a jeni normal me i hudhë ato sende, është lëndu vajza, tash po frigohet me ardhë këndej, e nuk është në rregull se në oborr të shkollës duhet me qenë i sigurtë fëmiu… E kam pas te mjeku, është duke përdorë ilaqe, nuk ka ndonjë lëndim të madh, tek gjuri i ka lëndu nyjet por tash po ka frikë po duhet me e pru rreth e rrotull” tha Arben Ferati, prind i vajzës së lënduar.
Nga pamjet shihet se punëkryesi i kësaj ndërtese ka dëmtuar edhe rrethojën e shkollës “Gjon Serreqi”:
“Është një nxënës i klasës së katërt që ka pësuar lëndime nga pakujdesia e punëkryesëve këtu në kufi me shkollën tonë. Në gjithë perimetrin e shkollës janë ndërtuar ndërtesa të larta dhe po vazhdojnë të ndërtohen, ato po ngushtojnë hapësirën por edhe po shfaqin rrezikshmëri për të gjithë ne këtu që jemi… Për rrezikshmërinë kemi reaguar tek organet komunale si Drejtoria e Arsimit, e Urbanizimit por edhe Inpektoratin e Punës. Janë përgjigjur që do të dalin, mirëpo ne kemi vërjetur që punëkryesit kanë ndërmarrë diçka, por jo në atë masën e mbrojtjes totale” tha Nazmi Heda, drejtor i shkollës fillore “Gjon Serreqi”
Me këtë rast po mirret edhe Policia e Kosovës, ku zëdhënësi Kanun Veseli thotë se ky rast do të procedohet në prokurori.
“Me datë 25.06 rreth orës 09:48, Policia e Ferizajt ka pranuar një informacion se është lënduar një vajzë nëntë vjeçare nga disa copëza blloqesh, pranë një objekti në ndërtim në rrugën “Kuvendi i Arbërit” në Ferizaj. Policia ka dalë në vendin e ngjarjes, të shoqëruar nga njesia e hetimeve që pastaj i ka kalu rasti kësaj njesie. Hetuesit e Stacionit Policor në Ferizaj për shkak të parregullsive të punimeve kanë ftuar edhe Inspektoratin e Punës së Kuvendit Komunal të Ferizajt nga të cilët po pritet një raport që të kallëzohet rasti në prokurori”
Në kërkesë të përgjigjes për masat e ndërmarra mbrojtëse, ne vizituam edhe inspektoratin e punës në Ferizaj, por inspektorët aty nuk u pronocuan pa e pasur lejen e shefit të tyre i cili ishte në pushim vjetor.
Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.
Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.
“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.
Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).
Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.
Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.
Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.
Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.
Policia Rajonale në Ferizaj ka njoftuar se brenda 24 orëve të fundit është raportuar një aksident trafiku ku si pasojë u lëndua një person. Gjatë këtij harku kohor njësitet e trafikut kanë shqiptuar gjithsej 240 gjoba për kundërvajtje.
Më së shumti janë shqiptuar gjoba për tejkalim të shpejtësisë, 74 sosh dhe 48 të tjera për mosrespektim të shenjave të komunikacionit.
Po ashtu, si rezultat i shkeljeve të rënda të rregullave të trafikut, policia ka konfiskuar 1 automjet, 4 skuterë/motoçikleta dhe 4 patentë shoferë.
-
Ferizaj2 days agoNdalohen dy persona për vrasjen e 32 vjeçarit në Ferizaj
-
Ferizaj1 week agoArrestohen dy persona në Ferizaj për sulm dhe therje me thikë
-
Botë1 week agoEvropa në valën e të nxehtit: Temperatura deri në 44°C
-
Botë1 week agoSHBA-ja dhe Irani janë pajtuar për një plan drejt arritjes së marrëveshjes përfundimtare, thonë ndërmjetësit
-
Kosovë7 days agoLDK-ja kërkon Presidencën: Abdixhiku ose Haziri
-
Ferizaj5 days agoPolicia në Ferizaj shqipton 240 gjoba trafiku në 24 orët e fundit
-
Ferizaj2 days agoProkuroria kërkon paraburgim ndaj të dyshuarës për vrasjen në Ferizaj
-
Kosovë4 days agoKQZ-ja shpall rezultatet përfundimtare të zgjedhjeve të qershor, hap rrugën për certifikimin e tyre