Ferizaj

ATK-ja hyn në grevë, parashtron kushte Qeverisë

Published

4 years ago

14 July, 2021

Administrata Tatimore të Kosovës, për tre orë resht i ndërpreu të gjitha shërbimet për tatimpaguesit. Sindikata e të punësuarve të saj, vendosi të mbajë grevë nga ora 9 deri në orën 12.

Përfaqësuesit e sindikatës në zyrën regjionale të ATK-së në Ferizaj, nuk u prononcuan për grevën e sotme, me arsyetimin se do të prononcohet vetëm kryesia e sindikatës në Prishtinë.

Sekretarja e sindikatës, Arlinda Bajra duke prezantuar tri kërkesa kryesore të tyre, tha se greva e sotme është respektuar në të gjitha regjionet e ATK-së.

ARLINDA BAJRA – Sekretare e sindikatës së ATK-së:

“Kërkesat janë paraqitur edhe me shkrim përmes shkresave me shkrim që janë dërguar disa herë në ministri edhe përmes mediave, ku kanë qenë krijimi i kushteve të punës, ka qenë propozim ndryshimi i statusit të ATK-së dhe kanë qenë kompensimet tjera për zyrtaret e Administratës Tatimore. Greva ka filluar sot nga ora 9 deri në ora 12 dhe do të vazhdoj fillimisht kështu, është mbajt në të gjitha regjionet e Administratës Tatimore dhe është respektuar pothuajse 100% e gjithë stafit të regjioneve tjera.”

Në grevën paraprake të mbajtur më 20 maj të këtij viti, sindikalistët mes tjerash, kërkuan edhe përfshirjen e gjithë stafit të ATK-së në pakon fiskale emergjente, sigurimin e mbushjeve telefonike, përmirësimin e kushteve të punës dhe ndryshimin e statusit të ATK-së, në Agjenci me status të veçantë.

Ferizaj

Arrestohen tre të dyshuar për hajni në disa markete të Ferizajt

Published

2 days ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

6 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

1 week ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: