Ferizaj
Ministria e Infrastrukturës: “Bashkimi i Qytetit”- në krime ekonomike
Ditë më parë, në Ferizaj u përurua projekti “Bashkimi i Qytetit”, me ç’rast defiluan institucione e u ndezën fishekzjarre.
Mirëpo sipas investitorit të këtij projekti, Ministrisë së Infrastrukturës, ky projekt del të jetë tërësisht i kundërligjshëm:
“Ky projekt që po konsiderohet projekt shumë madhor për Komunën e Ferizajt, nuk ka respektuar asnjë rregull ligjore që nga fillimi e deri në përfundim të këtij projekti. Ky projekt është në kundërshtim me vet aktet ligjore të Komunës. Është në kundërshtim me Planin Zhvillimor të Komunës. Tash, kur një Komunë nuk e respekton Planin Zhvillimor Komunal që e ka hartuar vet dhe e ka miratuar vet, kjo është një shkelje shumë e rëndë”.
Për mosrespektimin e Planit Zhvillimor Komunal, Drejtori i Urbanizmit të Ferizajt Lulzim Aliu pat dhënë këtë përgjigje:
“Në Planin Zhvillimor Komunal të vitit 2008-2009 ose 2010 ka qenë një nënkalim i parashikueshëm por jo në formën që e ka. Në Planin Zhvillimor Lokal, para katër vjetësh ka qenë e pamundshme me u futë një plan konkret, i detajuar i një investimit, sikur që nuk mund të futet ndërtimi i një shkolle apo spitali. Në kuptimin figurativ po them, është budallaki e madhe me menduar që në PZHK mund të jepen detaje të tilla të cilat dalin gjatë zhvillimit të një qyteti. Por aty ku ka zbrazëti, mund edhe ta tejkalojmë”.
Në anën tjetër, zëvendësministri i infrastrukturës Hysen Durmishi, thotë se projekti “Bashkimi i Qytetit” po hetohet nga krimet ekonomike.
“Tek ne, në Ministri, dokumentacionin që e kemi parë janë tri kode të ndryshme buxhetore, me tre emra të ndryshme. Pra nuk është i njejti projekt. Në anën tjetër e dijmë që ka të bëjë me të njejtin projekt, por e kanë ndarë në kode të ndryshme buxhetore për me mundur me i bartë pozicionet prej aty, këtu. Sepse kontratat nuk kanë mund t’i rrisin më shumë se 10% që e lejon ligji. Mandej kanë bërë kode tjera buxhetore për me mund me e kompletu. Unë mendoj që është shkelje dhe për këtë arsye besoj që është duke u hetuar prej prokurorisë dhe shpresoj që Prokuroria është duke e bërë punën e vet dhe do t’i gjejë të gjitha shkeljet tjera që kanë ndodhur në kuadër të këtij projekti… Për këtë projekt kam informacion se është duke u hetuar prej krimeve ekonomike dhe prokurorisë”.
Projekti dyvjeçar “Bashkimi i Qytetit” ka nisur së realizuari pas nënshkrimit të kontratës më 10 shtator 2018, me kosto mbi 4 milion e 30 mijë euro. Në profilin e drejtorit komunal të infrastrukturës Arbër Bytyqi, shkruan se në këtë projekt janë shpenzuar diku rreth 5.5 milionë euro.
-
Ferizaj5 days agoHumb jetën nxënësi 15 vjeçar në ambientet gjimnazit në Ferizaj
-
Ferizaj1 week agoVdes punëtori që ra nga kati i 6-të i një ndërtese në Ferizaj
-
Ferizaj1 week agoArrestohen edhe dy persona pas sekuestrimit të 17.9 kg heroinë në Ferizaj
-
Kosovë4 days agoInspektorati i Punës ndalon punimet në gati gjysmën e vendeve të inspektuara
-
Ferizaj5 days agoLëndohet një punëtor pasi bie nga një ndërtesë në Ferizaj
-
Kosovë6 days agoArrestohen dy të dyshuar për përfshirje në vrasje të rëndë në Lipjan
-
Kosovë6 days agoDistria shpallet kampione e Evropës në Tbilisi
-
Kosovë20 hours agoVrasja e Liridona Ademajt: Murseli e Plava dënohen me burgim të përjetshëm, Kokalla me 30 vjet
-
Kosovë5 days agoProkuroria kërkon burgim të përjetshëm për të akuzuarit për vrasjen e Liridona Ademajt
-
Kosovë6 days agoNga zjarri në një banesë në Malishevë vdiqën dy fëmijë dhe babai i tyre
-
Kosovë6 days agoAksion 15-ditor për sigurinë në vendet e punës në Kosovë
-
Botë1 week agoTrump konfirmon bllokimin e porteve iraniane
-
Kosovë5 days agoHaziri i LDK-së: Jemi në konsultime me LVV-në për një marrëveshje për presidentin
-
Kosovë7 days agoProkuroria kërkon burgim të përjetshëm për të akuzuarit në rastin Banjska
-
Kosovë1 week agoPetrit Ajetit i vazhdohet mandati si shef i AKI-së
-
Ferizaj6 days agoNisin hetimet për vdekjen e 48-vjeçarit në Shtime