Uji i pijes në Ferizaj i sigurt për konsum

Published

5 years ago

16 July, 2021

Paniku i qytetarëve të Ferizajt për helmimin e ujit në qytet po del të jetë i pabazuar.

KRU “Bifurkacioni” ka dalë me një njoftim për qytetarë se uji i pijshëm në Ferizaj është i sigurt për konsum. Kjo kompani ka informuar se uji testohet në baza ditore edhe nga IKSHPK.

Drejtori i Spitalit të Ferizajt, Jeton Zeqiri, ka konfirmuar për TV Tema se nuk ka asnjë pacient të shtrirë në këtë Spital për helmim nga uji.

*Jeton Zeqiri – Drejtor i Spitalit të Ferizajt*

E Zëdhënësi i Policisë së Ferizajt Kanun Veseli për TV Tema ka treguar se në fabrikën e ujit në Pleshinë gjithçka është në rregull.

“Që kur ka ndodhur rasti në Deçan janë aktitivitetet që jemi duke i ndërmarrë për monitorimin e çdo pike të ujësjellësit, nuk ka asgjë”, thotë Veseli.

*Kanun Veseli – Zëdhënës i Policisë në Ferizaj*

Postimi i plotë i KRU “Bifrukacioni”:

KOMUNIKATË PËR OPINIONIN E GJERË PUBLIK:
Gjatë ditës së sotme kemi vërejtur se në rrjetet sociale kanë qarkulluar informacione të pa sakta përmes së cilave është vënë në dyshim cilësia e ujit të pijshëm. Një gjë e tillë ka ngjallur shqetësim tek konsumatorët e KRU Bifurkacioni ShA, kjo gjë është vërejtur edhe nga numri i shumtë i telefonatave që kemi marrë gjatë ditës së sotme.
KRU Bifurkacioni siguron të gjithë konsumatorët se uji i prodhuar është i sigurt për konsum dhe se i njëjti testohet përmes mostrave të mbledhura në baza ditore në laboratorin e kompanisë në fshatin Pleshinë si dhe nga Instituti Kombëtar i Shëndetësisë Publike të Kosovës (IKSHPK).
Analizat e mostrave të ujit, flasin se uji është brenda normave duke rezultuar i sigurt për konsum dhe në përputhje me parametrat e përcaktuara sipas udhëzimit administrativ 16/2012 i cili është udhëzim i njëjtë me standardet e Bashkësisë Europiane.
Bëjmë thirrje të gjithë konsumatorëve që mos të bien pre e keqinformimeve të cilat vijnë nga burime të pa identifikuara, por të bazohen vetëm në informatat të cilat vijnë nga organet kompetente siç është KRU Bifurkacioni ShA apo Instituti Kombëtar i Shëndetësisë Publike të Kosovës (IKSHPK).
Ju faleminderit!

https://www.facebook.com/KruBifurkacioniShA/posts/1213423349098994

Një burrë theret me kaçavidë nga dy persona në Ferizaj

Published

5 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

6 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.