Varroset Marigona Osmani, kërkohet dënimi meritor për vrasësit

Published

5 years ago

24 August, 2021

Nën një atmosferë pikëlluese, sot në orën 13:00 tek varrezat e qytetit të Ferizajt, u krye varrimi i Marigona Osmanit, e cila u vra ditë më parë.

Në mesin e qindra qytetarëve në këtë varrim morën pjesë edhe krerët e institucioneve të vendit.

Kryeministri i Kosovës, Albin Kurti, duke u ndarë nga e ndjera Osmani, deklaroi se përgjegjësia e institucioneve duhet të jetë e lartë.

“Jeta e një vajze të re 18 vjeçare është këputur nga një vrasje mizore. I dyshuari për vrasje është arrestuar, duhet të ketë gjykim të drejtë dhe dënim të merituar”.
Albin Kurti – Kryeministër i Kosovës

Ndërkaq familjari, Fetush Osmani i emocionuar kërkoi që drejtësia të shkoj në vend duke e shqiptuar dënimin meritor ndaj vrasësve.

“Sot kemi dhimbje e pikëllim shumë të madh. Besoj që organet e Drejtësisë ta qojnë drejtësinë në vend. Qoftë ky rasti i fundit i tillë”.
Fetush Osmani – Familjar i Marigona Osmanit

*Fetush Osmani – Familjar i Marigona Osmanit*

Edhe Ministrja e Drejtësisë, Albulena Haxhiu, foli edhe për neglizhencën e gjyqësorit ndaj rasteve më të hershme të veprave penale të të arrestuarve për këtë rast.

“Ne kuptuam edhe një skandal tjetër nga organet e Drejtësisë ku i dyshuari kryesor kishte shumë raste të hapura edhe që nga viti 2013 aktakuzë për tentim vrasje dhe që nga ajo kohë nuk është nxjerrë aktgjykim dënues, kjo flet për mos funksionalitetin e sistemit të Drejtësisë e kjo po sjellë raste të tilla”.
Albulena Haxhiu – Ministre e Drejtësisë

*Albulena Haxhiu – Ministre e Drejtësisë*

Marigona Osmani të dielën me datë 22 gusht, u dërgua e vdekur në Spitalin e Ferizajt nga tanimë të arrestuarit Dardan Krivaqa dhe Arbër Sejdiu.

Një burrë theret me kaçavidë nga dy persona në Ferizaj

Published

22 hours ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.