Ferizaj

Afganët e parë në Kosovë, strehohen në Sojevë të Ferizajt

Published

4 years ago

30 August, 2021

111 afganë, në ditën e sotme kanë gdhirë, në fshatin Sojevë, tek ish-kampi i Betchel Enkas. Prej njerëzve nën rrezik në atdheun e tyre, Afganistan, ata sot e tutje janë të lirë, derisa të marrin një vendim, ku do të sistemohen përfundimisht.

Ky është grupi i parë i afganëve që kanë arritur në Kosovë, ata arritën mbrëmë rreth orës 20:30 në Aeroportin Ndërkombëtar “Adem Jashari” në Prishtinë.

Kosova ka pranuar që të strehojë rreth 2.000 afganë, si pjesë e marrëveshjes me Shtetet e Bashkuara të Amerikës dhe me aleatët ndërkombëtar.

Pritjet janë që nga sot e tutje të vijnë edhe grupe tjera të afganëve në Kosovë.

Sipas informatave të deritashme, afganët që do të strehohen në Kosovë, do të qëndrojnë këtu prej 12 deri në 16 muaj, derisa t’u rregullohen dokumentet për zhvendosje në Shtetet e Bashkuara.

Afganët të cilët ka pranuar t’i strehojë Kosova, Shqipëria, Maqedonia e Veriut e Kanadaja janë larguar nga vendi i tyre pasi që talibanët morën në dorë Afganistanin.

Këta refugjatë që kryesisht ishin bashkëpunëtorë të forcave amerikane dhe NATO-s, në Kosovë erdhën me avionë të forcave ajrore amerikane.

Ekipi i Televizionit Tema, bëri përpjekje që të kontaktoj, ndonjërin nga refugjatët, për të marrë ndonjë rrëfim për krajatat e tyre jetësore, derisa kanë arritë të fluturojnë për Kosovë, por nga autoritet që mbanin sigurinë u lejuam të marrim vetëm pamje nga jashtë këtij kampi.

Ferizaj

Hapet restoranti “ODA Grill House” në Pleshinë të Ferizajt

Published

1 week ago

13 February, 2026

webmaster

Në Pleshinë të Ferizajt ka hapur dyert restoranti “ODA Grill House”, një hapësirë e re gastronomike që sjell kombinimin e ushqimit tradicional me një ambient të ngrohtë dhe unik për vizitorët.

“ODA Grill House” ofron menu me specialitete tradicionale, duke synuar të krijojë një përvojë të veçantë për familjet, miqtë dhe të gjithë ata që preferojnë kuzhinën vendore.

Ambienti i brendshëm i restorantit është dizajnuar në mënyrë funksionale dhe komode, duke e bërë të përshtatshëm si për manifestime familjare ashtu edhe për takime shoqërore.

Lokacioni i restorantit “ODA Grill House” është në fshatin Pleshinë, 5 km larg Ferizajt.

*Artikull i sponsorizuar

Ferizaj

Arrestohet i dyshuari që sulmoi dhe lëndoi rëndë një person tjetër

Published

2 weeks ago

10 February, 2026

Redaksia

Policia e Ferizajt ka arrestuar një person, të dyshuar për përfshirje në veprën penale “Lëndim i rëndë trupor”.

Në raportin e policisë bëhet e ditur se rasti ndodhi të hënën mbrëma, 09.02.2026, rreth orës 22:30

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se kishte sulmuar viktimën mashkull kosovar. Viktima është dërguar për tretman mjekësor në QKUK, ndërsa i dyshuari pas intervistimit me vendim të prokurorit është dërguar në mbajtje.”

Ferizaj

Arrestohet një person në Ferizaj, i sekuestrohen drogë, para dhe armë

Published

2 weeks ago

10 February, 2026

Redaksia

Një person është arrestuar në Ferizaj nën dyshimin për veprat penale “Posedim i narkotikëve” dhe “Posedim i paautorizuar i armës”.

Në raportin 24 orësh, policia tha se gjatë kontrollit të të dyshuarit, janë gjetur dhe sekuestruar dy qese me peshë 1.75 gram kokainë, një epruvetë me kokainë me peshë rreth 10.68 gram si dhe 6155 euro para të gatshme.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram, një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet mes tjerash në raport..

Me vendim të prokurorit pas intervistimit i dyshuari është dërguar në mbajtje.