Ferizaj
Rebelimi politik i ish-nënkryetarit të Degës së PDK-së
Nga trungu i PDK-së, pas Nismës socialdemokrate, po shkëputet edhe një subjekt i ri politik. Zgjedhjeve lokale të 17 tetorit i është bashkuar edhe Reformimi Demokratik për Ferizajn i themeluar nga kuvendarët aktual të PDK-së, Nehat Mustafa dhe Gëzim Haxhimusa.
Kryetari i kësaj partie, Nehat Mustafa, thotë se si subjekt synojnë reformimin politik në Ferizaj. Sipas tij, në këtë reformim do të duhej të përfshihen edhe partitë e tjera, por edhe kuvendarët që duhet të mbrojnë interesat e qytetarëve e jo të klaneve politike.
“Reformimi Demokratik për Ferizajn është një subjekt rreth së cilit janë bashkuar një grup qytetarësh të Komunës së Ferizajt që përfaqësojnë shtresa të ndryshme qytetare në aspektin social, intelektual, kulturor dhe të cilët si vizion kanë disa ndryshime të cilat i shohin të domosdoshme për Komunën e Ferizajt. Është quajtur Reformim Demokratik për arsye se kemi konstatuar që realisht shumica e institucioneve të cilat janë në Komunën e Ferizajt duke filluar nga qeverisja, asambleja pastaj nga institucionet tjera të cilat duhet të veprojnë si të pavarura duhet të iu nënshtrohen një procesi të reformimit sipas të cilit proces qytetari duhet të jetë në rend të parë dhe jo interesi i grupeve të caktuara siç ka ndodhë deri më tani. Jam i bindur se ne me suksesin që do ta arrijmë do t’i tejkalojmë me vota edhe disa subjekte politike në Ferizaj të cilat kanë një traditë më shumë se 20 vjeçare dhe të cilat kanë dëshmu që me përfaqësimin që ata ia kanë bërë qytetarit në Kuvendin e Komunës. Qytetari nuk ka përfitu por grupet e interesit dhe familjarët e tyre sepse nepotizmi ka qenë alfa dhe omega e këtyre subjekteve politike”.
Nehat Mustafa – Kryetar i Reformimit Demokratik për Ferizajn
Teksa tregon se nga PDK u largua sepse aty vendimet po merreshin nga 2-3 persona dhe kryesia nuk po mblidhej me vite, ai tregon edhe defektet e qeverisjes lokale aktuale.
“Konceptit tim të Kuvendarit të pavarur i janë bashkuar një numër i kuvendarëve të cilët para çdo takimi e kanë përkrahur qëndrimet e mia politike por kur është dashtë të votojnë kanë votuar sipas SMS-ve. Praktika e cila është ndjekur duke angazhuar qindra e qindra të rinj me kontrata mbi vepër ka qenë e dëmshme sepse kjo praktikë do të krijojë parazitë në institucionet tona. Por kryesorja, asnjë prej tyre nuk mund të realizojë të drejtën e tyre të kompenzimit për kohën që e ka kaluar, pse? Sepse kanë qëndruar me muaj të tërë pa nënshkruar asnjë kontratë”.
Nehat Mustafa – Kryetar i Reformimit Demokratik për Ferizajn
RDF në zgjedhjet lokale në Ferizaj garon me 11 kandidatë për Kuvend Komunal, por në raundin e parë të zgjedhjeve asnjë prej kandidatëve për kryetar nuk do ta gëzojnë mbështetjen e reformistëve, ndërkaq ata shprehen të hapur për cilindo kandidat që do të hyjnë në balotazh.
-
Ferizaj2 days agoDefekt në Nënstacionin Ferizaj 1, një pjesë e qytetit mbetet pa energji elektrike
-
Kosovë1 week agoHasani: Osmani i ka “uzurpuar” kompetencat e Kuvendit të Kosovës
-
Kosovë1 week agoPresidentja Osmani nis konsultimet për datën e zgjedhjeve sot nga ora 13:00
-
Kosovë6 days agoKosova dhe Shqipëria nënshkruajnë ujdi për krijimin e ekipeve të përbashkëta hetimore
-
Kosovë1 week agoNagavci: Shpërndarja e Kuvendit akt i paprecedent, vendimin do ta çojmë në Kushtetuese
-
Kosovë6 days agoVetëvendosje e dërgon në Kushtetuese dekretin e Osmanit, Presidenca pret vendimin
-
Kosovë6 days agoRashiq korrigjon deklaratën për tokën e Manastirit të Deçanit
-
Kosovë1 week agoPresidentja Vjosa Osmani shpërndan Kuvendin e Kosovës
-
Kosovë2 days agoMaqedonci për blerjen e raketave kineze nga Serbia: Shpërfaqje e tendencave hegjemoniste ndaj fqinjëve
-
Kosovë2 days agoNjë muaj paraburgim për Gjestin
-
Ferizaj2 days agoSiguria juaj fillon me zgjedhjen e duhur të sigurimit