Connect with us

Ferizaj

Top-Lista e 10 komunave me borxhe

Published

on

Borxhi i komunës së Ferizajt ndaj operatorëve ekonomik, dita-ditës po rritet shumë shpejtë.

Me anë të një postimi në Facebook, Ministri i Financave të Kosovës, Hekuran Murati, sot e publikoi top-listën e komunave me borxhet më të larta në Kosovë.

Aty shihet se Komuna e Ferizajt, e udhëhequr nga Agim Aliu, duhet të kënaqet me “Palmën e Argjendtë”, sepse ka arritur të shkaktojë borxh publik të komunës prej 4 milionë e 390 mijë Eurosh, aq sa ishin regjistruar në sistem deri në fund të muajit gusht të këtij viti.

Fitues i pakontestueshëm i kësaj gare borxhlinjësh është kryetari i komunës së Gjilanit, Lutfi Haziri, i cili ka shkaktuar borxh publik të kësaj komune në lartësi prej 10 milion e 451 mijë eurosh.

Në vazhdim po e publikojmë listën e plotë të komunave me borxhe të bërë publike nga Ministri Murati:

VENDI 1

LUTFI HAZIRI – KOMUNA GJILAN
BORXHI KOMUNAL 10.45 milionë euro

VENDI 2

AGIM ALIU – KOMUNA FERIZAJ
BORXHI KOMUNAL 4.39 milionë euro

VENDI 3

AGIM BAHTIRI – KOMUNA E MITROVICËS
BORXHI KOMUNAL 2.42 milionë euro

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet një zyrtar policor në Ferizaj nën dyshimin për organizim të bixhozit të paligjshëm dhe armëmbajtje pa leje

Published

on

Inspektorati Policor i Kosovës ka arrestuar të hënën një zyrtar policor nga Stacioni Policor në Ferizaj, nën dyshimin për organizim të bixhozit të paligjshëm, skema piramidale dhe armëmbajtje pa leje si dhe përdorim të armës apo mjetit të rrezikshëm.

Me aktvendim të prokurorit të dyshuarit i është caktuar masa e ndalimit për 48 orë.

Gjatë ditës së djeshme hetuesit e IPK-së kanë bastisur 7 (shtatë) lokacione ku janë sekuestruar dy armë të shkurtra, një armë e gjatë e gjuetisë, dy armë të ftohta (thika), si dhe municion i llojeve të ndryshme.

Sipas dyshimeve fillestare, polici dyshohet se gjatë vitit 2026 ishte përfshirë në organizimin e bixhozit të paligjshëm online, si dhe kishte poseduar një armë të gjatë të tipit Kallashnikov, të cilën dyshohet se ia kishte shitur një personi tjetër.

Lidhur me këtë hetim  janë intervistuar edhe gjashtë persona të tjerë, të dyshuar për veprën penale “Shitblerja e armëve”. Hetimet ndaj tyre do të vazhdojnë në procedurë të rregullt.

IPK-ja i ka rekomanduar Policisë së Kosovës suspendimin e zyrtarit, ndërsa hetimet për rastin po vazhdojnë në koordinim me Prokurorinë e Shtetit.

#

Continue Reading

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Trending