Ferizaj

Auditorja Gjenerale i “shkundullon” letrat e nënkalimit “B. i Q.”

Published

4 years ago

05 October, 2021

Zyra Kombëtare e Auditimit përmes një njoftimi për media ka bërë të ditur se ka përzgjedhur projektin “Bashkimi i Qytetit” në Ferizaj për t’iu nënshtruar auditimit të performancës dhe pajtueshmërisë me ligje, bazuar në treguesit e problemeve dhe vlerësimet e rrezikut, në interesin publik dhe në raportimet nga media.

“ Ndikimet e auditimit mund të mos vërehen menjëherë, por të kesh auditime aktuale mund të ndihmojnë vendin që të rimëkëmbet nga kriza” kishte thënë me këtë rast Auditorja e Përgjithshme, Vlora Spanca.

Krahas këtij projekti, Zyra Kombëtare e Auditimit do t’iu “hyjë” edhe letrave të NP “Trepça”, Operatorit “KOSST” SHA, Ndërmarrjes “KEK” dhe Radio Televizionit të Kosovës (RTK).

Në arsyetimin e nisjes së këtyre auditimeve të veçanta, Auditorja e Përgjithshme, Vlora Spanca ka shtuar se përmes këtyre veprimeve synohet forcimi i llogaridhënies, transparencës dhe integritetit të institucioneve shtetërore, përfshirë këtu edhe qeverinë e Ferizajt, në mënyrë që fondet publike të shpenzohen në mënyrë ekonomike, me efektivitet dhe efikasitet.

Lajmin e plotë mund ta gjeni në linkun:

https://www.zka-rks.org/news/tema-me-interes-publik-do-te-auditohen-nga-zka-ja-ne-sezonin-e-ri-auditues/

Ferizaj

Arrestohen tre të dyshuar për hajni në disa markete të Ferizajt

Published

20 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

5 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

7 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: