Ferizaj

Transformimi urban “e gëlltitë” gati gjysmën e rrugës publike

Published

5 years ago

16 October, 2021

Rruga “Daut Dauti” që shtrihet shumë afër qendrës së Ferizajt, nga mbrëmë është e mbyllur për trafik të automjeteve.

Kjo sepse gropa që është hapur për ndërtimin e një objekti shumëkatësh aty, ia gëlltiti asaj rruge edhe bazamentin, gati duke e përgjysmuar atë, e duke e lënë aq sa për shteg bicikletash.

Sipas drejtorisë së Urbanizimit të Ferizajt, e cila e ka pajisur me leje këtë ndërtim deri në cep të rrugës, kompania ndërtimore i kishte vendosur pilotët mbrojtës nga betoni, por si duket nga dimensionimi joadekuat, këto masa mbrojtëse kanë dështuar me paraqitjen e reshjeve të shiut

“Pala e ka marr lejen e ndërtimi para një kohe të gjatë, por ka filluar të punoj tash, lagështi e madhe i ka marr masat e sigurisë, por i kanë dështuar. Nuk ka të lënduar, janë marr masat e menjëhershme, është njoftuar Policia me kohë me u mbyllë rruga, që mos me pas dëme tjera dhe njerëzore. Masat e tjera merren sigurisht tash, pasi të përmisohet koha , domethënë nuk mundet me ndërmarr për shkak të lagështisë nuk mundet me ndërmarr as një masa, për me u riparuar, për me i përmisuar masën e sigurisë.”– deklaroi Lulzim Aliu, drejtor i Urbanizimit në Ferizaj, me këtë rast përmes telefonit.

Në kuadër të transformimit urban që po vazhdon në Ferizaj, investitori ishte pajisur me leje ndërtimore më 18 Dhjetor 2020. Ndërsa përveç dëmtimit të rrugës, shihet se rrëshqitja e dheut i ka shkaktuar dëme edhe sistemit të kanalizimit në atë zonë.

Ferizaj

Një burrë theret me kaçavidë nga dy persona në Ferizaj

Published

6 hours ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

1 day ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.