Ferizaj

Qendra e Mjekësisë Familjare shënon Ditën e Luftës kundër Diabetit

Published

4 years ago

15 November, 2021

Në kuadër të ditës ndërkombëtare të luftës kundër diabetit, Qendra e Mjekësisë Familjare në Ferizaj, edhe këtë vit ka organizuar aktivitete sensibilizuese për qytetarë me qëllim të identifikimit të hershëm të kësaj sëmundjeje kronike.

Drejtoresha e QKMF-së në Ferizaj Nadire Ymeri, e cila ishte prezente me ekipet e veta në sheshin Adem Jashari të këtij qyteti, thotë se ky aktivitet synon të parandalojë rritjen e numri të rasteve me diabet.
“Me rastin e ditës ndërkombëtare të diabetit domethënë kemi organizuar edhe këtë aktivitet e cila është organizuar në bashkëpunim me Institutin Rajonal të Shëndetit Publik dhe Institutin Kombëtare të Shëndetit Publik të Kosovës dhe mbështetje të AQH-së, me moton për qasjen e kujdesit të pacienteve me diabet, nëse jo tani at here kur,ashtu që është momenti i fundit ndoshta që duhet të në përgjithësi të sensibilizohen domethënë edhe qytetaret por edhe stafi mjekësor, në evidentimin e rasteve të cila janë me diabet, në mënyrë që të fillojnë trajtimin me kohë por për ta parandaluar një sëmundje të tillë e cila për fat të keq deri më tani është një numër i madh i pacienteve që vuaj nga kjo sëmundje.” – u shpreh drejtoresha Ymeri

Specializantja e shëndetit publik, Diana Sojeva tregon faktin se të gjithë qytetarët mund të preken nga kjo sëmundje, pa dallim në moshë.
“Arsyeja pse po e mbajmë këtë aktivitet është se 14 nëntori është dita botore e diabetit dhe me një farë mënyre me i sensibilizu qytetarët dhe me i vetëdijesuar për matjet e një glikemisë që ndoshta shumë pacient nuk e dinë që veç janë me diabet. Me ardhë munden të gjithë nuk ka dallim të moshës shkaku që i kemi edhe dy lloje të diabetit , domethënë tipi 1 dhe tipi 2 kështu që të gjitha moshat mundem me u prek nga diabeti.” – tha Sojeva

Krahas aktiviteteve në sheshin kryesor të Ferizajt, organizimi i sotëm u mundësoi qytetarëve që ta masin nivelin e sheqerit në gjak edhe në 3 qendrat e mjekësisë familjare.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

17 hours ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë:

Ferizaj

Policia ia sekuestron dy armë pa leje një personi në Doganaj të Kaçanikut

Published

1 week ago

04 December, 2025

Redaksia

Policia ka shoqëruar në stacion policor të Kaçanikut, të dyshuarin mashkull kosovar, pasi që gjatë kontrollit të shtëpisë së tij janë gjetur dhe sekuestruar dy pistoleta dhe 67 fishekë.

Sipas policisë, nën dyshimin për armë mbajtje pa leje, kontrolli i shtëpisë u zhvillua pasditen e së mërkurës në fshatin Doganaj të Kaçanikut.

Me vendim të prokurorit, i dyshuari është liruar në procedurë të rregullt.

Ferizaj

Të martën ndërprerje 9-orëshe e rrymës në qendër të Ferizajt dhe disa fshatra

Published

2 weeks ago

01 December, 2025

webmaster

KEDS njofton se të martën, për shkak të punimeve në projekte investive, disa zona të Ferizajt do të mbesin pa energji elektrike nga ora 09:00/09:30 deri në 18:00.

Pa energji elektrike do të mbesin:

1. Nga NS Ferizaj III – Dalja J07 Gaçka (09:30 – 18:00)
Greme, Gaçka, Burrnik, Izhanc, Kashtanjeva, Bajnicë, Semaj, Prushaj, Sllatina dhe bizneset private.
Arsyeja: Energjizimi i linjave të reja.

2. Nga NS Ferizaj II – Dalja J10 Banka 1 (09:00 – 18:00)
MBTS Banka, TS Fatmir Rashani, TS Halil Haxhidema, TS TMK Ndërtesa, TS Koncorzium Komuna (përballë Spitalit).
Arsyeja: Projekte investive, konvertimi i Daljes 2 në 20kV.

3. Nga NS Ferizaj III – Dalja J15 Ylli 1 (09:00 – 18:00)
Rr. 12 Qershori, rr. Dëshmorët e Kombit, pjesë të rr. Ismail Qemajli, Tahir Sinani, Toni Bler, Sheshi Hyre Emini, Hekurudha, Kinemaja re – KEDS, Hoteli (MBTS).
Arsyeja: Projekte investive, konvertimi i Daljes 2 në 20kV.