Ferizaj
Zjarrfikësit ferizajas i realizuan mbi 1000 intervenime gjatë vitit 2021
Brigada Zjarrfikëse e Ferizajt i ka bërë rreth një mijë intervenime në shuarje të zjarreve të ndryshme që u paraqitën si raste gjatë vitit 2021.
Përgjegjësi i zjarrfikësve në Ferizaj, Zymri Krasniqi tha se problemi me të cilën ata ballafaqohen më së shumti janë pajisjet dhe automjetet e vjetruara me të cilat duhet të intervenohet në terren.
“Realisht brenda këtij viti ku jemi edhe në përfundim të këtij viti gati i kemi një mijë dalje kur them një mijë dalje domethënë janë të gjitha daljet qoftë në aksidente komunikacioni rrugore, qoftë në zjarre fushore e malore, vërshime, fatkeqësi elementare të gjitha këto janë deri në këto momente që po flasim, i kemi mbërri një mijë dalje, që do të thotë që shërbimi i zjarrfikësve këtu në Ferizaj është një numër shumë i madh. Po sa i përket problemit të zjarrfikësve ne i kemi problemet e përditshme ku gjithmonë pajisjet e tona, personale dhe kolektive duhet me qenë në gjendje gatishmërie realisht me automjete kemi gjithmonë probleme, sepse pak automjete janë të vjetruara gjithmonë me riparime kemi vështirësi edhe me gjetjen e pajisjeve të tyre, sepse janë donacione të ardhur nga shtete e huaja kështu që e kemi mjaft problem.”
Zymri Krasniqi – Përgjegjës i Zjarrfikësve
Një problematikë tjetër që po i shqetëson zjarrfikësit e Ferizajt këtyre ditëve është mungesa e energjisë elektrike, sepse ata detyrohen që në mënyrë manuale t’i mbushin cisternat e automjeteve të tyre me ujë.
“Po e shihni se sot nuk kemi energji elektrike, nuk kemi energji elektrike gati që 16 orë ku të gjitha këto automjete i kemi pompat nga puset që tërheqim ujë, që nëse kemi ndonjë rast të zjarrit të madhe, sinqerisht ne nuk dimë se si do ta përballojmë këtë, do ta shfrytëzojmë kapacitetin e automjeteve që e kemi dhe mundemi të ngelemi pa ujë që do të thotë zjarri mund të përhapet më shumë dhe do të bëhet diçka që është e pa parashikueshme. Kemi nevojë edhe me furnizim të aparateve të pluhurit, realisht kërkesat i kemi bërë për aparatet e pluhurit mirëpo edhe nuk kemi marrë ndonjë përgjigje, nuk e di nuk ka kaluar ndonjë tender apo ndonjë gjë tjetër, mirëpo kërkesat tona gjithmonë janë pranë zyrës të drejtorive. Tash jemi në ndërrim të motmoteve festave të fundvitit tani vijnë festat e krishtlindjeve, kemi edhe vitin e ri, realisht gjatë këtyre festave e dimë që shumë familje përdorin mjete piroteknike ju kisha lutë me shpirt e me zemër, si një prind, si një përgjegjës i zjarrfikësve, si një familjar që të kenë kujdes nga mjete piroteknike gjithmonë në kujdesin e prindërve dhe familjes që të mos të lëndohet ndokush, mirëpo edhe ne si zjarrfikës ta kemi një natë të qetë.”
Zymri Krasniqi – Përgjegjës i Zjarrfikësve
Ekipi i brigadës zjarrfikëse të Ferizajt numëron 29 punëtorë, ndërkaq krahas misionit të shuarjes së zjarreve merret edhe me shpëtimin e jetës në rastet e aksidenteve të ndryshme të trafikut.
-
Ferizaj4 days agoArrestohen tre persona të dyshuar për trafikim të narkotikëve në Ferizaj
-
Ferizaj4 days agoBëhet i ditur identiteti i viktimave të aksidentit tragjik në Gjermani
-
Ferizaj6 days agoQytetarëve u vijnë mesazhe mashtruese – Policia apelon për kujdes
-
Kosovë5 days agoMblidhen deputetët për seancën konstituive të Kuvendit të Kosovës
-
Kosovë4 days agoLVV e LDK dështojnë të arrijnë marrëveshje politike në prag të mbarimit të afatit kushtetues për konstituimin e Kuvendit
-
Kosovë6 days agoLDK kërkon postin e presidentit
-
Kosovë1 week agoKurti dhe Abdixhiku takohen të martën, PDK dhe Aleanca refuzojnë ftesën