Në spitalin e përgjithshëm në Ferizaj aktualisht janë duke u trajtuar 9 pacientë të infektuar me COVID-19.

Gjendja e tyre shëndetësore është e qëndrueshme, tha mjeku Besim Luri i cili është edhe koordinator i qendrës për trajtim të COVID-19.

Luri gjithashtu bëri të ditur se në repartin e emergjencës dhe atë të internos nuk janë duke u trajtuar pacientë të tjerë për shkak të rrezikut nga infektimi derisa repartet tjera janë duke funksionuar pa ndonjë pengesë të theksuar.

“Ne momentalisht i kemi të shtrirë në Spitalin e Ferizajt 9 pacientë, në emergjencën COVID-19 dhe tek reparti i internos dhe gjatë shtrimit të tyre ne jemi të detyruar që pacientët të cilët nuk janë COVID pozitivë të mos shtrihen, pasi që është sëmundje infektive dhe nuk lejohet që ne në një repart të shtrihen pacientet që kanë patologji të tjera , por jo COVID -19. Kështu që momentalisht jemi duke funksionuar vetëm me pacient të cilët janë të infektuar me koronavirus.

Besim Luri – Koordinator i qendrës për trajtim të COVID-19 në Ferizaj
Besim Luri – Koordinator i qendrës për trajtim të COVID-19 në Ferizaj

Për sa i përket oksigjenimit, momentalisht jemi duke funksionuar me bombola , pasi që oksigjenimi qendror është i kontraktuar dhe është në punim e sipër nga UNOP-si , të cilët edhe momentalisht janë duke vazhduar punimet, presim që në muajt në vijim të përfundoj puna e oksigjenimit qendror dhe të shtrihet në repartet e parapara.”

Në repartet e përcaktuara për trajtim të pacientëve me koronavirus, tash janë në dispozicion edhe 21 shtretër , tha Luri, duke shtuar se spitali i Ferizajt ka edhe hapësira të tjera që mund të përdoren në rast të shtimit të numrit të pacientëve të infektuar.

“Numri i shtretërve në spitalin tonë momentalisht në dispozicion për COVID -19 është 21, kemi vend dhe hapësirë të mjaftueshme me kërkesën për hospitalizim pasi që dihet se varianti i fundit Omicron, nuk është që kërkon dhe nuk ka një përqindje të lartë të pacienteve të cilat kërkojnë shtrim në spital dhe oksigjeno-terapi, kështu që për kundër numrave të lartë që kanë qenë në ditët dhe javëve të fundit, kërkesa për hospitalizim  ka qenë shumë e ulët në krahasim me valët e tjera dhe kjo është një përparësi për neve dhe për sistemin shëndetësor të brishtë në Kosovë”.

Besim Luri – Koordinator i qendrës për trajtim të COVID-19 në Ferizaj

Sipas Lurit, spitali i Ferizajt është mjaftueshëm i furnizuar me barna për trajtimin e pacientëve të prekur  nga COVID 19.

Të ngjashme

Të tjera