Ferizaj

Mbahet gara regjionale për dhënien e ndihmës së parë

Published

4 years ago

11 May, 2022

Sot në sheshin Adem Jashari në Ferizaj, u mbajt gara e ndihmës së parë e organizuar nga Kryqi i Kuq në Kosovë. Gara e sotme ishte e nivelit regjional dhe përbëhej nga ekipe që vinin nga qytetet e regjionit të Ferizajt.

Sekretarja e Kryqit të Kuq, Jehona Kuqi tregon së qëllimi i kësaj gare është rritja e vetëdijesimit të qytetarëve për dhënien e ndihmës së parë.

“Kryqi i Kuq, dega në Ferizaj sot ka bërë organizimin e garave regjionale ku do të marrin pjesë pesë komuna të regjionit të Ferizajt: Lipjani, Shtimja, Ferizaj, Kaçaniku dhe Hani i Elezit. Këto shkolla fituese të këtyre komunave, njëra do të jetë fituese për regjionin e Ferizajt. Pas përfundimit të kësaj gare dhe përzgjedhjes së shkollës fituese kjo shkollë do të vazhdoj më tej në nivel kombëtar, e cila garë do të mbahet për nder të ditës së ndihmës së parë në shtator. Kryqi i Kuq i Kosovës është i angazhuar si për shkollat ashtu edhe për vetëdijësimin e qytetarëve që të ofrohet ndihma e parë ngaqë është një element mjaft i rëndësishëm që të dihet të shpëtohet një jetë. Poashtu përpos këtyre garave të cilat janë tradicionale, ka projekte të tilla të zhvilluara nëpër shkolla ku ofrohet ndihma e parë dhe trajnohen nxënësit, trajnohen të rinjtë më qëllim që të përfitojë edhe shkolla edhe familjet e tyre dhe të tjerët për sa i përket dhënies së ndihmës së parë.” thotë Jehona Kuqi – Sekretare e Kryqit të Kuq.

*Jehona Kuqi – Sekretare e Kryqi*t të Kuq

Nxënësit që morën pjesë në këtë garë, u shprehën se gara të tilla janë gjithmonë të mirëseardhura sepse kontribuojnë në zhvillimin e tyre individual.

“Duke qenë nxënëse e shkollës së mesme të mjekësisë, jemi përballur më herët dhe i kemi prekë këto raste por tash me këtë trajnim dhe këto gara ne jemi avancuar edhe më shumë. Grupi jonë por edhe të gjithë ata që kanë qenë pjesë e trajnimit besoj se janë shumë të gatshëm për me marrë pjesë dhe për me dhënë ndihmën e parë kujtdo që ka nevojë. Ne shpresojmë që do të arrijmë edhe në gara qendrore dhe shpresoj se kemi me dhënë maksimumin sepse jemi përgatitur këtë kohë prej garave të kaluara ku edhe jemi shpallur fitues.” thotë nxënësja Suhela Mehmeti.

*Suhela Mehmeti – Nxënëse në shkollën e mesme “Elena Gjika” – Ferizaj*

“Këto gara janë shumë produktive për kohën dhe moshën që e kemi. Mund të themi që jemi përgatitur mjaft mirë për shkak se i kemi mbajt garat edhe në komunën e Lipjanit edhe me ligjëratat që i kemi mbajt më herët po besoj që jemi mjaft mirë. Mendoj që secili i ri dhe e re duhet me u angazhu në aktivitete të tilla të ndihmës së parë për shkak se në jetë ne kemi ngjarje të papritura dhe prej ndihmës së parë ne mund të mësojmë se si ta dhurojmë atë.” thotë nxënësja Zenije Osmani.

*Zenije Osmani – Nxënëse në shkollën e mesme “Ulpiana” – Lipjan*

Në përfundim të kësaj gare, vendin e parë e mori shkolla e mesme “Dardania” nga komuna e Hanit të Elezit, e cila me këtë rast do të përfaqësoj regjionin e Ferizajt, në garat e ardhshme kombëtare.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

21 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar