Connect with us

Ferizaj

INPO: Komuna e Ferizajt falsifikoi dokumente, përfundon në prokurori

Published

on

Iniciativa për Progres, INPO ka gjetur shkelje ligjore në Komunën e Ferizajt, saktësisht në tenderin për ndërtimin e objektit të ri të Qendrës Kryesore të Mjekësisë Familjare me vlerë të parashikuar të kontratës prej 2 milionë e 250 mijë euro .

Vlera e parashikuar e kontratës nga Dosja e Tenderit me numër prokurimi: “656-21-2143-5-1-1”

Me 7 maj të vitit 2021, ishte formuar komisioni për vlerësimin, ekzaminimin dhe krahasimin e tenderëve me tre anëtarë.

Qëndrim Arifi, hulumtues nga INPO thotë se anëtari Skender Baftiu nuk mori pjesë në vlerësimin e tenderit dhe në mënyrë anti-ligjore dhe duke keqpërdorur autorizimet, në atë kohë kishte bërë vlerësime, zyrtari komunal e tash Drejtori i Drejtorisë së Infrastrukturës, Meriton Hajdini, që sipas Arifit nuk kishte pasur fare autorizim.

Vendimi për formimin e komisionit të tenderit me numër prokurimi: “656-21-2143-5-1-1”

“Ky anëtar në fjalë i komisionit nuk ka pasur asnjë autorizim që të marrë pjesë në vlerësimin e këtij tenderi dhe respektivisht komplet procesin e vlerësimit e bënë të kundërligjshëm. Paramendoni, një projekt mbi 2 milionë euro, vlerësohet nga persona që nuk janë të autorizuar” deklaroi Qëndrim Arifi – Hulumtues në INPO.

Qëndrim Arifi – Hulumtues në INPO

Pas kërkesës për sqarime se pse ndodhi kjo rokadë nga Komuna e Ferizajt dhe se a ka plotësim-ndryshim të vendimit për anëtarët e komisionit, INPO hasi në tendencë për falsifikime të dokumenteve nga Komuna në fjalë.

“Faqja e parë e dokumentit largohet nga ai vendim dhe vendosen taman personat që kanë marrë pjesë në vlerësim dhe skanohet ai dokument e dërgohet në adresën e INPO-s se kinse ja dokumenti i vërtetë. Ai dokument përmban protokollin dhe datën e njëjtë, nuk është plotësim-ndryshim, është vendim dhe vërehet qartë që bëhet fjalë për falsifikim sepse faqja e parë është dukur shumë e re e pa dëmtuar, ndërsa faqja e dytë ku janë edhe nënshkrimet e datës origjinal është e kapur me kapëse të letrave dhe shihet qartë ai kamuflim” thotë Qëndrim Arifi – Hulumtues në INPO.

Nënshkrimet nga raporti i vlerësimit të tenderëve

INPO megjithatë nuk e ka lënë këtë çështje me kaq,  dëshmitë rreth kësaj shkelje ligjore i ka dërguar edhe në institucionet e drejtësisë për përgjegjësi penale nga zyrtari përgjegjës i prokurimit që ka pranuar raport vlerësimi nga persona të pa autorizuar.

Kjo organizatë e sheh si të udhës edhe anulimin e tenderit që të pastrohet ky aktivitet.

“Në prokurori është denoncuar ky reagim. Këto shkelje nuk bënë të mos dërgohen tek organet përgjegjëse, pa u kufizuar vetëm tek prokuroria por edhe tek të gjitha institucionet që kanë të bëjnë me procedurat e prokurimit përfshirë Komisionin Rregullativ të Prokurimit Publik. Të gjitha këto procedura janë përfunduar nga INPO. Kemi kërkuar nga kryetari i Komunës, ekzekutivi dhe zyra e prokurimit që ky aktivitet të rikthehet në rivlerësim ashtu siç ka kërkuar edhe eksperti shqyrtues në kuadër të Organit Shqyrtues të Prokurimit(OShP)” deklaroi Qëndrim Arifi – Hulumtues në INPO.

Televizioni Tema i ofroi mundësinë edhe Drejtorit të Infrastrukturës në Komunën e Ferizajt, Meriton Hajdinit që të komentojë këtë çështje por i njëjti nuk u prononcua para kamerës.

Meriton Hajdini – Drejtor i Infrastrukturës në Ferizaj

Continue Reading
Click to comment

Leave a Reply

Your email address will not be published. Required fields are marked *

Ferizaj

Grabitje e armatosur në një lokal në Ferizaj

Published

on

Një burrë ka raportuar në polici se një person i maskuar ka hyrë në lokal dhe në kërcënimin e armës ka grabitur një shumë te konsiderueshme parash pasi paraprakisht e ka lidhur viktimën me lidhëse plastike.

Grabitja ka ndodhur mesditën e djeshme, 27.03.2024 në Ferizaj.   

Në raportin 24 orësh, policia ka njoftuar se rasti është cilësuar si “grabitje me armë”.

Continue Reading

Ferizaj

Grabiten rreth 30 mijë euro në një këmbimore në Ferizaj

Published

on

Pasditen e sotme ka ndodhur një grabitje e armatosur në një këmbimore në rrugën Sali Çeku Ferizaj , ku dyshohet se vjedhur rreth 30 mijë euro.

Sipas Policisë, grabitësi i armatosur pas vjedhjes ka ikur në drejtim të panjohur. Në atë kohë, në këmbimore ishte vetëm një punëtor 30-vjeçar.

Policia ka nisur hetimet për identifikimin dhe arrestimin e të dyshuarit.

Njoftimi i policisë:

Me datën 27.03.2024 rreth orës 12:20 kemi pranuar një informacion se në një këmbimore, e cila gjendet ne rrugën” Sali Çeku” në Ferizaj, dyshohet se një person i maskuar dhe nën kërcënimin e armës së zjarrit ( pistoletë) arrin të marrë (grabitë)një shumë të caktuar të parave dhe të largohet në drejtim të panjohur.  Menjëherë ekipe të policisë, policë të rendit, hetues të stacionit, si dhe hetuesit dhe krim-teknikët rajonal kanë dalë në vendin e ngjarjes dhe kanë marrë masat e nevojshme të hetimit për identifikimin dhe kapjen e të dyshuarit e kësaj ngjarje. Për ë gjitha këto veprime është njoftuar edhe prokurori kujdestar nga Prokuroria Themelore në Ferizaj. Në momentin e grabitjes ka qenë duke punuar një punëtor, i moshës 30 vjeçar dhe nuk raportohet për lëndime. Dyshohet se janë grabitur rreth 30 mijë euro”.

Continue Reading

Ferizaj

Gjobë 150€, 2 pikë negative dhe 3 muaj ndalesë për tejkalim në anën e kundërt

Published

on

Policia në Ferizaj pas pranimit të një video incizimi më 20.03.2024, ka evidentuar shkeljen e rregullave të trafikut, pasi në rrugën magjistrale Ferizaj- Kaçanik ,në afërsi të udhëkryqit përnë fshatin Komogllavë, një shofer me automjetin e tij shihet duke bërë tejkalimin në anën e kundërt ( djathtë ) të një automjeti tjetër para tij.

Policia e Komunikacionit Rrugor e ka identifikuar shoferin K.K, i moshës 50 vjeç dhe atij i kanë shqiptuar një gjobë për kundërvajtje 150 euro, 2 pikë negative dhe 3 muaj masë mbrojtëse, heqje e patentë shoferit.

Continue Reading

Trending