Connect with us

Kosovë

Pacientët me kancer mbesin pa Sorafenib, ShSKUK nuk di se kur mund të furnizohet

Published

on

Ka kohë që Klinika e Onkologjisë në Qendrën Klinike Universitare të Kosovës ka mbetur pa medikamentin Sorafenib, i cili përdoret për trajtimin e pacientëve me sëmundjen e kancerit në qelizën renale, mëlçisë dhe tiroideve.

Në përgjigje të pyetjeve të dërguara  nga Televizioni Tema, Shërbimi Spitalor Klinik dhe Universitar i Kosovës ka thënë se mungesa e Sorafenib-it apo siç njihet ndryshe Nexavare,  është për shkak se lënda për furnizimin me këtë medikament është duke u trajtuar në Organin Shqyrtues të Prokurimit, andaj nuk dihet kur mund të ndodhë furnizimi.

“Lënda për furnizimin e Klinikes se Onkologjisë me Sorafemib është duke u trajtuar ne OSHP. Nuk kemi informacion se sa do të mund të zgjas ky proces. Ne jemi në pritje të kontraktimit të produktit nga zyra e prokurimit në mënyrë që furnizimi të vazhdojë në mënyrë të rregullt konform planifikimit të Klinikës së Onkologjisë”, deklaruan nga ShSKUK për TV TEMA.

Me gjithë këtë, nga ShSKUK nuk u përgjigjën në pyetjen sa kohë ka kaluar që pacientët me kancer kanë mbetur pa këtë medikament, sa pacientë me kancer kanë mbetur pa trajtim dhe çfarë zgjidhje u është ofruar këtyre pacientëve.

Derisa Klinika e Onkologjisë vazhdon të përballet me mungesë të këtij medikamenti , pacientët janë detyruar ta blejnë nga xhepi i tyre këtë medikament goxha të shtrenjtë. 

Çmimi i Sorafenib-it/Nexavares në rajon sillet nga 650€ deri në 1800€.

Continue Reading
Click to comment

Leave a Reply

Your email address will not be published. Required fields are marked *

Kosovë

Ilir e Rrahim Abdullahu dënohen me nga 18 vjet burgim për vrasjen e Triumf Rizës

Published

on

Ilir dhe Rrahim Abdullahu janë dënuar me nga 18 vjet burgim për vrasjen e zyrtarit policor Triumf Riza.

Aktgjykimi është shpallur sot në Gjykatën Themelore në Prishtinë.

Gjatë shpalljes së vendimit, kryetari i trupit gjykues, Avni Syla, bëri të ditur se Ilir Abdullahut i vazhdohet masa e paraburgimit, ndërsa Rrahim Abdullahut i caktohet paraburgimi. Të dyja masat do të jenë në fuqi deri në plotfuqishmërinë e aktgjykimit.

Në shpalljen e aktgjykimit, Rrahim Abdullahu nuk ishte prezent në sallë, ndërsa i pranishëm ishte i bashkëakuzuari i tij, Ilir Abdullahu.

Polici Triumf Riza ishte vrarë më 30 gusht 2007, në lagjen “Dardania” në Prishtinë.

Për këtë rast, më herët është dënuar edhe Arben Berisha me 35 vjet burgim për kryerje të vrasjes, ndërsa Enver Sekiraqa, për nxitje të vrasjes, është dënuar me 25 vjet burgim.

Sekiraqa ndodhet në arrati që nga 17 maji 2024, kur ishte liruar nga paraburgimi pas ndryshimit të masës së sigurisë.

Continue Reading

Kosovë

Një shtetas i Kosovës ekstradohet në SHBA për krime kibernetike

Published

on

Një shtetas i Kosovës është ekstraduar  për në SHBA, pasi që i njëjti kërkohej nga autoritetet amerikane për përfshirje në veprat penale që ndërlidhen me krimet kibernetike.

I dyshuari iu dorëzua mëngjesin e sotëm njësisë U. S. Marshall të SHBA-së, në ANP “Adem Jashari”, bëri të ditur Policia.

Në njoftim nuk u dhanë informacione për identitetin, moshën apo hollësi tjera për personin e ekstraduar.

Por, Policia e Kosovës tha se do të vazhdojë shkëmbimin e informacioneve me institucionet vendore dhe partnerët ndërkombëtarë, me qëllim të parandalimit dhe hetimit të krimit, si dhe gjurmimit dhe arrestimit të personave të kërkuar brenda dhe jashtë vendit

Continue Reading

Kosovë

Çitaku e quan vendimin e speciales të turpshëm dhe të papranueshëm

Published

on

Ushtruesja e detyrës së kryetares së PDK-së, Vlora Çitaku, e ka quajtur të turpshëm e të papranueshëm vendimin e Dhomave të Specializuara për dënimet ndaj Hashim Thaçit, Bashkim Smakajt, Fadil Fazliut dhe Hajredin Kuçit në rastin për pengim të drejtësisë.

Përmes një postimi në Facebook, Çitaku tha se vendimi i sotëm vetëm sa e ka thelluar mosbesimin në drejtësinë e administruar nga kjo gjykatë. Sipas saj, drejtësia nuk mund të ketë standarde të ndryshme për ata që gjykohen dhe një tjetër për ata që gjykojnë.

“Shpreh zhgënjimin dhe shqetësimin tim të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve, në procesin për pengim të drejtësisë. Kontestimet procedurale, proceset e njëpasnjëshme dhe zvarritjet shumëvjeçare i kanë thelluar pikëpyetjet tona serioze për administrimin e drejtësisë të kësaj Gjykate”, ka thënë ajo duke shtuar se padrejtësisë do t’i përgjigjemi me qëndresë, mobilizim dhe përkushtim të palëkundur shtetëror e mbarëkombëtar.

“Me veprime konkrete politike, juridike e diplomatike. Me vendosmëri, deri në fund”, ka shkruar Çitaku.

#

Continue Reading

Trending