Connect with us

Ferizaj

Kur sytë shohin ndryshe!

Published

on

“Të diele të mbarë, bashkëqytetarë” dhe “Të diele të këndshme, bashkëqytetarë”, janë dy fjalitë me të cilat i përshëndetë kryetari i Komunës së Ferizajt, Agim Aliu ferizajasit, gjithmonë duke ia bashkangjitur këtyre fjalëve edhe disa fotografi të bukura të bëra në vende të ndryshme të qytetit.

Megjithëkëtë, Ferizaj nuk është vetëm fotografitë e bukura të postuara nga kryetari i Komunës.

Sytë e tij po zgjedhin të shohin vetëm të bukurën në Ferizaj, por sytë e qytetarëve shohin edhe të shëmtuarën që ekziston çdo ditë në qytet.

Në fotografitë më lart, shihet një dallim i madh mes tyre.

Kryetari Aliu ka vendosur që këtë të diele të sheh fotografinë në të djathtë që është me të vërtetë e bukur por ai nuk po do ta sheh fotografinë në të majtë, ku shihen kontejnerë të stërmbushur me bërllok.

Kontejnerë këta që kanë mbetur kështu në tërë Ferizajn.

Hiq më ndryshe nuk janë as këto fotografi.

Derisa në fotografinë e bërë nga TV TEMA shihen kontejnerët nëntokësorë të mbyllur afër Palestrës “Bill Clinton” ku nën kundërmimin e erës së tmerrshme të mbeturinave luajnë të rinjtë, syri i të parit të Komunës në anën tjetër sheh bukurinë e kësaj are teka për të bërlloku që ka mbushur Ferizajn nuk “ekziston”.

Kjo fotografi e bërë nga droni është e mahnitshme.

Me të vërtetë që tregon një anë tërheqëse dhe të hijshme të qytetit të tretë për nga popullsia në Kosovë.

Por problemi i kësaj fotografie është që nuk tregon realitetin e Ferizajt.

Ferizaj është edhe fotografia në të majtë, i mbushur mbeturina, kundërmon dhe i papastër.

E gjithkush mund të zgjedhë, nëse do të shohë Ferizajn e vërtetë dhe të kontribuojë që Ferizaj të pastrohet ose të zgjedhë të shoh me syrin e kryetarit dhe të refuzojë problemin e qytetit që kundërmon.

Ferizaj

Policia në Ferizaj javën e kaluar shqiptoi 1770 gjoba në trafik

Published

on

Policia në Ferizaj ka njoftuar se gjatë javës së kaluar janë raportuar 48 aksidente trafiku ku njëri prej tyre me fatalitet derisa janë shqiptuar 1770 gjoba në trafik dhe janë hequr 23 patentë shoferë.

“Policia Rajonale e Ferizajt ka ndërmarrë një sërë aktivitetesh në identifikimin e kundërvajtësve të ndryshëm në komunikacion me qëllim parandalimin e aksidenteve. Në kuadër të këtyre aktiviteteve policia rajonale e Ferizajt gjatë javës që shkoi, nga data 08-14/07/2024 ka shqiptuar 1770 gjoba kundërvajtëse dhe ka hequr edhe 23 patentë shoferë për drejtuesit që kanë shkaktuar kundërvajtje më të rënda në komunikacion” thuhet në njoftimin e policisë.

Continue Reading

Ferizaj

Ferizaj ka 109 mijë e 345 banorë rezident

Published

on

Sipas të dhënave preliminare të publikuara nga Agjencia e Statistikave të Kosovës, në vetëm 9 nga 38 komuna të Kosovës ka pasur rritje të popullsisë rezidente.

Në mesin e tyre është edhe komuna e  Ferizajt që sipas shënimeve ka 109 345 banorë që shënon një rritje të lehtë prej 0.68% krahasuar me regjistrimin e vitit 2011.  

Komunave me rritjen më të lartë të popullsisë u prinë Fushë Kosova me 83.99% pasuar nga Parteshi me  81.93 %, Graçanica me 81,46 %, Shtërpca me  56,71 %, Kllokoti me 19,13 %, Prishtina me 14, 21 %, Obiliqi  me 5,78 % dhe Mamusha që ka rritje prej 1,96 %. Ndërkaq, sipas shënimeve 29 komunat tjera kanë shënuar rënie të popullsisë.

Aktualisht komuna me numrin më të madh të banorëve është Prishtina me 227 mijë e 154 banorë, pasuar nga Prizreni me 147 mijë e 428 banorë dhe Ferizaj me 109 mijë e 345 banorë.

Continue Reading

Ferizaj

Një person humb jetën si pasojë e rrokullisjes së kamionit në Jezerc

Published

on

Një person humbi jetën si pasojë e aksidentit të trafikut me kamion, që ndodhi pasditen e sotme  në fshatin Jezerc të Ferizajt.

Sipas policisë, dyshohet se kamioni, i cili ishte në lëvizje nga Ferizaj në drejtim të fshatit Jezerc në vendin e quajtur “Lumi i vogël”, në rrethana ende të panjohura, humb kontrollin dhe rrokulliset disa metra poshtë rrugës.

Në aksident humbi jetën shoferi i kamionit, mashkull kosovar i moshës madhore.

Vdekja e tij është konstatuar në vendngjarje nga mjekët e Emergjencës së Ferizajt.

Me vendim të prokurorit trupi i pajetë është dërguar për obduksion në Institutin e Mjekësisë Ligjore në Prishtinë.

Continue Reading

Trending