Ferizaj

Vdes 19 vjeçari në Ferizaj, dyshohet se u hodh nga kati i nëntë

Published

3 years ago

06 August, 2022

administrator

Në i ri i moshës 19 vjeçare ka ndërruar jetë në Ferizaj pak pas mesnate.

Në rrugën Sali Çeku, dyshohet se i riu është hedhur nga kati i nëntë i banesës, përcjell TV TEMA.

19 vjeçari ishte shtetas i huaj dhe ndërroi jetë duke marrë trajtim në QKUK.

Zëdhënësi i Policisë së Ferizajt, Kanun Veseli tregon se është njoftuar edhe Drejtoria për Bashkëpunim Ndërkombëtar në Sundimin e Ligjit, për vdekjen e shtetasit të huaj.

Raporti i plotë i Policisë:

Sot, rreth orës 00:35 të mëngjesit, Policia Rajonale e Ferizajt ka pranuar një informacion se një person, shtetas i huaj me inicialet B.G i moshës 19 vjeçar në rrugën “Sali Çeku” në Ferizaj, ka rënë nga kati i IX- të i një ndërtese.

I njëjti për ndihmë mjekësore është dërguar në Emergjencën e Ferizajt e më pas për tretman të mëtututjeshëm mjekësor është dërguar në QKUK-Prishtinë, ku nga atje jemi njoftuar se ka ndërruar jetë!

Policia e rendit i ka marr veprimet e nevojshme dhe në rast janë kyçur hetuesit dhe krimteknikët e Sektorit Rajonal të Hetimeve.

Janë kontaktuar edhe familjarët e viktimës, ku sipas tyre dyshohet sa ai është hedhur nga kati i IX-të i ndërtesës.

Lidhur me rastin është njoftuar prokurori kujdestar i cili i ka autorizuar hetuesit rajonal që ti marrin të gjitha veprimet hetimore dhe trupi i pajetë ështê dërguar nê Institutin e Mjekësisë Ligjore në Prishtinë për autopsi. Po ashtu është njoftuar edhe ILEC-u për vdekjen e shtetasit të huaj. Rasti është cilësuar ” Vetvrasje”

Ferizaj

Arrestohet për vjedhje të trotineteve dhe biçikletave në Ferizaj

Published

6 days ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

1 week ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.

Ferizaj

Gjobiten dy të rinj që po zhvillonin gara shpejtësie në Ferizaj

Published

1 week ago

20 August, 2025

Redaksia

Policët e Njësisë së Komunikacionit Rrugor në Ferizaj, të martën pak para mesnate, kanë ndaluar dy shoferë që po zhvillonin gara shpejtësie dhe po rrezikonin sigurinë publike në rrugën “Driton Islami” në Ferizaj.

Shoferi L.Q. (19 vjeç), me veturë të tipit BMW me targa të huaja, është kapur në flagrancë duke garuar me një veturë tjetër. Atij i është shqiptuar gjoba prej 1000 eurove.

Shoferi tjetër Y.T. (19 vjeç), me veturë BMW me targa të huaja, është kapur në flagrancë duke marrë pjesë në gara shpejtësie. Për këtë kundërvajtje të rëndë është dënuar me gjobë prej 500 eurove, ndalesë për të drejtuar automjet në territorin e Republikës së Kosovës për 12 muaj.

Si dhe gjobë shtesë prej 500 eurove dhe masë mbrojtëse 6 muaj ndalim drejtimi, për shkak të një mase të mëhershme të ndalim-drejtimit, të cilën e kishte nga data 10.08 – 09.11.2025.

Këtij të fundit i është konfiskuar vetura, thuhet mes tjerash në njoftimin e Policisë së Kosovës.