Shoqata e Personave me Aftësi Ndryshe, “Hendifer” nga Ferizaj njofton se është nënshkruar marrëveshje me Ministrinë e Financave për punësimin e 11 personave me aftësi ndryshe.

Marrëveshja u nënshkrua nga Drejtoresha e “Hendifer”, Fazile Bungu dhe Ministri i Financave, Hekuran Murati, përcjell TV TEMA.

11 personat që përfituan nga punësimi ishin identifikuar nga shoqata “Hendifer”.

Njoftimi i plotë nga Hendifer:

Masa 1.6. e cila parasheh punësimin e personave me aftësi ndryshe, e nisur nga Ministria e Financave, Punës dhe Transfereve të Republikës së Kosovës dhe e lehtësuar nga shoqatat e personave me aftësi ndryshe është nismë, që ngadalë por sigurt po ndryshon mentalitetin aktual.

Drejtorja, znj. Fazile Bungu së bashku me Ministrin e Financave, Punës dhe Transfereve, z. Hekurani Murati kanë nënshkruar marrëveshjen për punësimin e 11 personave me aftësi ndryshe. Këta persona janë identifikuar nga shoqata “Hendifer”.

Kjo iniciativë ka për qëllim forcimin e qasjes për mbështetje dhe trajnim, punësim të qëndrueshëm dhe nxënien e shkathtësive. Me zbatimin e këtij programi, aktivizimi i personave me aftësi ndryshe për pavarësimim e tyre do të jetë më i madh dhe më lehtë të integrueshëm në shoqëri.

Të ngjashme

Të tjera