Në 24 orët e fundit, në komunën e Ferizajt u regjistruan 21 raste të reja me koronavirus derisa nga sëmundja janë shëruar 66 pacientë.
Sipas raportit të Ministrisë së Shëndetësisë, nga rastet e fundit pozitive, dy janë fëmijë kurse të gjitha rastet tjera u përkasin grup moshës prej 20 deri në 80 vjeç.
Deri tani, nga covid 19 janë prekur 14 mijë e 177 ferizajas kurse 184 prej tyre humbën jetën.
Në gjithë komunën e Ferizajt aktualisht janë 188 raste aktive me koronavirus.
