Ferizaj
Çfarë diploma kanë asamblistët e Ferizajt?
Çfarë diploma, çfarë shkollimi kanë të kryer, çka punojnë, çka kanë punuar më parë dhe kush janë asamblistët e Ferizajt?
Për të gjitha këto pyetje nuk ka përgjigje të shkruar për shumicën prej tyre.
Web-faqja kk.rks-gov.net/ferizaj/ është vendi ku ferizajasit gjejnë të dhënat për institucionin e Komunës së qytetit.
Mundësi në këtë faqe ka edhe për të parë se kush janë përfaqësuesit e ferizajasve në Kuvendin Komunal.
Por, në opsionin Kuvendi e pastaj në opsionin Asamblistët/Këshilltarët pos emrit e mbiemrit, fotografisë, grupit parlamentar dhe email të përfaqësuesve të ferizajasve, tjetër informatë nuk ka, me përjashtim të Kryesuesit të Kuvendit.
Ferizajasit nuk kanë mundësi që përmes kësaj web-faqeje të njohin personat që i votojnë dhe i përfaqësojnë ata.
Për asamblistët që në Kuvendin Komunal përfaqësojnë mbi 100 mijë banorët e Komunës së Ferizajt nuk mund të gjendet një biografi e tyre, kjo shpreh mungesë të transparencës nga institucioni i Kuvendit Komunal.
Në web-faqe për kuvendarët nuk mund të dihet se i sati mandat është që ata janë pjesë e Kuvendit Komunal, çfarë shkollimi kanë të kryer, kur janë lindur, ku jetojnë apo edhe një numër telefoni që të mund të kontaktojnë personat që vet i kanë votuar.
Kjo më së miri mund të shihet nga mungesa e të dhënave për shefat e grupeve parlamentare të tri partive më të mëdha në Ferizaj:
Me gjithë atë në Komunën e Prishtinës nuk është i njejti avaz si në Ferizaj.
Në web-faqen e kësaj Komune secili asamblist ka të vendosur biografinë, numrin e telefonit, email por edhe dihet se i sati mandat është që po përfaqësojnë banorët e kryeqytetit.
Ngjashëm si Prishtina, Prizreni ofron mundësi për prizenasit që të njohin më detajisht se kush po i përfaqëson.
Në web-faqen e Prizrenit mund të gjenden detaje për shumicën e asamblistëve.
Aty gjendet një biografi e shkurtër, mandati të cilin e kanë, email dhe numri i telefonit.
Në Ferizaj, përjashtim nga asamblistët tjerë bënë vetëm Kryesuesi i Kuvendit Komunal, Xhavit Zariqi.
Nëse klikoni mbi fotografinë e Zariqit aty mund të gjeni një biografi të tij, aktivitetin e tij ndër vite dhe të dhënat e kontaktit me udhëheqësin e asamblistëve.
Për krahasim me Ferizajn janë zgjedhur Komuna e Prishtinës dhe Prizrenit si dy nga Komunat më të mëdha në Kosovë dhe që janë më të krahasueshme me Ferizajn për sa i përket banorëve, gjegjësisht votuesve.
Asamblistët nga Prishtina dhe Prizreni janë përzgjedhur në bazë të votave që kanë marrë në zgjedhjet lokale.
-
Ferizaj5 days agoBëhet i ditur identiteti i viktimave të aksidentit tragjik në Gjermani
-
Ferizaj5 days agoArrestohen tre persona të dyshuar për trafikim të narkotikëve në Ferizaj
-
Ferizaj1 week agoQytetarëve u vijnë mesazhe mashtruese – Policia apelon për kujdes
-
Kosovë5 days agoLVV e LDK dështojnë të arrijnë marrëveshje politike në prag të mbarimit të afatit kushtetues për konstituimin e Kuvendit
-
Kosovë6 days agoMblidhen deputetët për seancën konstituive të Kuvendit të Kosovës
-
Kosovë1 week agoLDK kërkon postin e presidentit
-
Kosovë1 week agoKurti dhe Abdixhiku takohen të martën, PDK dhe Aleanca refuzojnë ftesën
-
Ferizaj7 hours agoArrestohen 5 persona në Ferizaj, të dyshuar për “Vrasje në tentativë”
-
Kosovë24 hours agoSenatorja Joni Ernst në Kosovë, Kurti kërkon prani të përhershme amerikane në Bondsteel
-
Kosovë23 hours agoPDK i drejtohet zyrtarisht Avni Deharit për vazhdimin e seancës konstituive
-
Kosovë3 hours agoBallafaqim deri në shtyrje fizike mes opozitës dhe LVV-së në Kuvend, mes thirrjeve për vazhdim të seancës konstituive