Ferizaj
Banorët e fshatit Dremjak në hall, u shembet rruga sa herë që bie shi
Në gjendje të tmerrshme shndërrohet rruga Ramë Behluli në lagjen e Behlulve në fshatin Dremjak të Ferizajt sa herë që bie shi.
Banorët e kësaj rruge të shtruar me zhavorr tregojnë se kjo rrugë e gjatë prej 150 metrave bëhet e pakalueshme kur ka të reshura.
Xhemajl Baliu, një nga banorët e kësaj ane tregon se ka vite që kërkojnë zgjidhje rreth kësaj çështjeje e që si përgjigje kanë marrë se kjo rrugë do të shtrohet me asfalt por që kjo nuk ndodhi asnjëherë.
“Këtu jemi shtatë shtëpi, sa herë ka reshje kemi gjithmonë problem, e shihni edhe vet se si del zhavorri në rrugë krejt, nuk mundemi me hy me asgjë absolut. Kemi lajmëru në Komunë se si e kemi rastin, kanë ardhë e kanë këqyrë “po, po marrim masa”, por asnjëherë nuk kanë marrë masa. Prej pas lufte kështu është gjithë. Kanë ardhë e kanë shtru, prap zalli ka dalë në rrugë, i njejti problem gjithë. Sa herë ka shi të madh e shihni edhe ju vet çfarë dëmi shkakton. Me shtru prap me zhavorr prap vjen poshtë. Para dy muajve kanë qenë, kanë thënë që do të ndërmarrin diçka por nuk kanë lajmëru as po, as jo dhe të njejtin problem e kemi edhe sot. Kërkesa jonë është me kry këtë rrugë një herë e për gjithmonë, ose asfalt ose diçka tjetër vetëm mos të kemi probleme. Jemi shtatë shtëpi, shtatë familje, e shihni edhe vet çfarë gjendje është“, thotë Baliu për TV TEMA.
Për rrugën me të cilën shtatë familje kanë probleme e mezi e kalojnë, Drejtori i Infrastrukturës në Ferizaj, Meriton Hajdini përmes një përgjigje me shkrim thotë se nuk po mund të shtrohet për shkak të rritjes së çmimeve.
“Sa i përket rrugëve në fshatin Dremjak, po ashtu rrugës në lagjen e Behlulëve, janë të tenderuara, por nuk është duke u punuar për arsyen e ngritjes së çmimeve deri në një rishikim të kontratave nga ana e Qeverisë“, deklaroi Hajdini për TV TEMA.
Banorët e kësaj rruge përballen edhe me personat e pandërgjegjshëm të cilët hedhin mbeturina në lumin e fshatit.
-
Ferizaj1 week agoArrestohen 5 persona në Ferizaj, të dyshuar për “Vrasje në tentativë”
-
Kosovë7 days agoBallafaqim deri në shtyrje fizike mes opozitës dhe LVV-së në Kuvend, mes thirrjeve për vazhdim të seancës konstituive
-
Kosovë1 week agoSenatorja Joni Ernst në Kosovë, Kurti kërkon prani të përhershme amerikane në Bondsteel
-
Kosovë6 days agoArrestohet një person në Merdar nën dyshimin për spiunazh
-
Kosovë1 week agoPDK i drejtohet zyrtarisht Avni Deharit për vazhdimin e seancës konstituive
-
Kosovë22 hours agoKE për hapjen e urës mbi Ibër: Presim konsultime dhe koordinim
-
Ferizaj1 day agoGjobitet me 500 € për ndezje zjarri në Sojevë të Ferizajt