Ferizaj

Ankohet “Pastërtia”: Qytetarët po hudhin bërllokun në trotuare e jo në kontejnerë

Published

3 years ago

31 August, 2022

Kompania Regjonale e Mbeturinave “Pastërtia” përmes një postimi në facebook u ankua se qytetarët po hedhin mbeturinat në trotuare e jo në vendet e caktuara.

Sipas fotografive që ka publikuar kjo kompani, shihen kontejnerët gjysmë zbrazur dhe vendi për-rreth kafazit me bërllok, përcjell TV TEMA.

Kjo kompani kërkon nga Inspektorati e Policia të japin gjoba të mëdha për ndotësit.

Po ashtu, kërkohet nga qytetarët që mbetjet inerte dhe të vëllimshme të dërgohen në deponinë në Llojza.

Postimi i plotë i “Pastërtisë:

Kontejnerët gjysmë të zbrazët, ndërsa mbeturina në tokë. Madje edhe jashtë “kafazit”, që ishte ideuar me qëllim të mosshpërndarjes së bërllokut. Megjithatë, ka të tillë që nuk përtojnë të afrohen, e të mos e lëshojnë mbeturinën në kazan, por e gjuajnë edhe në trotuar.

Gjithashtu, kemi njoftuar disa herë që mbetjet inerte dhe ato të vëllimshme, duhet të dërgohen në deponinë përkatëse në Llojza.

Kjo dukuri, nuk ka të ndalur, e do të vazhdojë derisa ne gjithë së bashku nuk i lajmërojmë këto raste në inspektorat e polici, e këta të fundit të shqiptojnë gjoba të mëdha, për këto mbetje që seriozisht rrezikojnë shëndetin, e në këtë rast madje pengojnë edhe qarkullimin e qytetarëve.

Ferizaj

Lëndohet një person në vendin e punës në Ferizaj

Published

1 day ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

3 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

3 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.