Ferizaj

Turneu i pingpongut “Gani Maloku” mbahet të shtunën

Published

4 years ago

12 October, 2022

Klubi i PingPongut “Gani Maloku” organizon turne memorial të veteranëve.

Sipas njoftimit nga ky klub, turneu mbahet më 15 tetor në shkollën e mesme Ekonomike “Faik Konica”, teksa paraqitja e lojtarëve bëhet deri më 14 tetor në ora 16:00, përcjell TV TEMA.

Ky turne ka pesë kategori: *40 – 49 vjeçar (të lindur në vitin 1982 ose përpara)

*50 – 59 vjeçar (të lindur në vitin 1972 ose përpara)

*60 – 64 vjeçar (të lindur në vitin 1962 ose përpara)

*mbi 65 vjeçar (të lindur në vitin 1957 ose përpara)

*Çifte (double)

Njoftimi i plotë i Klubit të PingPongut “Gani Maloku”:

Organizohet Turneu Memorial i veteranëve “Gani Maloku”

Me 15 tetor në Shkollën e Mesme te Larte Ekonomike “Faik Konica” në Ferizaj (lokacioni: https://goo.gl/maps/fsnTd3q3DxfLARat7 ), FPPK në bashkëpunim me Kpp ‘Gani Maloku’ kanë paraparë organizimin e turneut memorial të veteranëve “Gani Maloku”.

Turneu do të organizohet për këto 5 kategori:

*40 – 49 vjeçar (të lindur në vitin 1982 ose përpara)

*50 – 59 vjeçar (të lindur në vitin 1972 ose përpara)

*60 – 64 vjeçar (të lindur në vitin 1962 ose përpara)

*mbi 65 vjeçar (të lindur në vitin 1957 ose përpara)

*Çifte (double)

Paraqitjen e lojtarëve mund ta bëni deri të enjten më 14 tetor në ora 16:00 në emailin komisionigarave@fppk.com

Shorti do të hidhet para fillimit të garave.

Garat do të zhvillohen fillimisht në fazën e grupeve sipas sistemit secili me secilin, për të kaluar pastaj në skeletin kryesor me sistem eliminimi, ndërsa në kategoritë që ka numër të vogël të pjesëmarrësve do të zhvillohet vetëm sistemi secili me secilin.

Ferizaj

Tërhiqet mjeti i dyshuar shpërthyes nga Lybeteni

Published

3 hours ago

28 July, 2026

Redaksia

Policia e Kosovës ka njoftuar se në bashkëpunim me njësitet e specializuara të FSK-së dhe KFOR-it kanë identifikuar dhe tërhequr një mjet të dyshuar shpërthyes në territorin e Parkut Kombëtar të Lybetenit.

Raportimin dje e kishte bërë të një qytetar i cili ka hasur në mjetin e dyshuar përderisa kishte qenë duke mbledhur boronica.

Luboten, Parku Nacional 27.07.2026 – 12:16.

“ Dëshmitari mashkull kosovar ka raportuar se derisa ka qenë duke mbledhur fruta-Boronica, në fushë ka hasur në një mjetë të dyshuar shpërthyes. Njësiti përkatës policor ka siguruar vendin e ngjarjes derisa njësiti për deminim i FSK-së dhe KFOR-it kanë dalë në vendin e ngjarjes dhe kanë bërë tërheqjen e mjetit pa incidente”, ka njoftuar Policia.

Ferizaj

Brenda një jave në rajonin e Ferizajt u regjistruan 63 aksidente në trafik

Published

24 hours ago

27 July, 2026

Redaksia

Policia Rajonale e Ferizajt ka bërë të ditur se nga data 20 deri më 26 korrik 2026 ka shqiptuar 1699 gjoba të trafikut derisa janë pezulluar edhe 36 patentë shoferë për drejtuesit e automjeteve që kanë kryer shkelje të rënda në komunikacion.

Gjatë kësaj periudhe janë regjistruar gjithsej 63 aksidente, prej të cilave 25 aksidente me lëndime, ku janë lënduar 36 persona ndërsa 38 aksidente tjera ishin vetëm me dëme materiale.

Ferizaj

Kosova paralajmërohet për mot të ashpër me shi, rrufe dhe breshër

Published

1 week ago

21 July, 2026

Redaksia

Instituti Hidrometeorologjik i Kosovës (IHMK) dhe Organizata Evropiane për Parashikimin e Stuhive (ESTOFEX) kanë lëshuar paralajmërime për reshje intensive, stuhi, breshër dhe erëra të forta.

Instituti Hidrometeorologjik i Kosovës ka njoftuar se gjatë ditës së sotme do të mbajë mot me diell dhe vranësira të pjesshme, por gjatë orëve të pasdites pritet ndryshim i kushteve atmosferike me vranësirave konvektive, të cilat vende-vende do të shoqërohen me reshje lokale shiu dhe shkarkesa rrufesh.

Temperaturat maksimale parashihen të sillen prej 31°C deri në 33°C.

Ndërkaq, Organizata Evropiane për Parashikimin e Stuhive (ESTOFEX), e cila monitoron motin e ashpër në Evropë, ka lëshuar një alarm të nivelit 3 të rrezikut për Kosovën dhe disa vende të rajonit.

Sipas ESTOFEX, përfshirja e Kosovës në zonën me nivelin 3 të rrezikut nënkupton një potencial të lartë për mot ekstrem, me mundësi për breshër shumë të madh dhe erëra të forta me fuqi shkatërruese.