Kërkohet ndihmë për ferizajasin Shqiprim Lohaj – Ka Leukemi Akute e i nevojiten 135 mijë euro për shërim

Published

3 years ago

14 October, 2022

31 vjeçari Shqiprim Lohaj nga Ferizaj është i diagnostikuar me leukemi akute dhe ka nevojë të trajtohet në Turqi.

Këtë e ka bërë të ditur humanisti dhe përfaqësuesi i shoqatës “Jetimat e Ballkanit” në Ferizaj, Agon Zhinipotoku.

Përmes një postimi në facebook, Zhinipotoku ka treguar se Shqiprim Lohajt i nevojiten 135 mijë euro për shërim, përcjell TV TEMA.

Zhinipotoku ka paralajmëruar se do të ketë organizim në sheshin e Ferizajt për të mbledhur para dhe poashtu ka dhënë detajet e gjirollogarisë bankare ku mund të ndihmohet Shqiprimi.

Postimi i tij i plotë:

Shqiprim Lohaj ka nevojë për ndihmën tonë🥲

Të dashur qytetarë, i riu ferizajas Shqiprim Lohaj 31 vjeçar është diagnostifikuar me Leukemi Akute, andaj duhet trajtim urgjent jashtë vendit për në Turqi.

Kostoja e shërimit të tij është 135 mijë euro.

Ne do të bëhemi bashkë në shesh të qytetit për të ja grumbulluar paratë për shërim, derisa ministria e Shëndetësisë të përgjigjet për shumën që do ta përkrahë shërimin e Shqiprimit.

Llogaria e bashkëshortes së Shqiprimit ku ju mund të ndihmoni:

Teb BANK

Vjollca Lohaj

IBAN: XK05 2013 0001 2814 3051

SWIFT CODE: TEBKXKPR

Zoti ju shpërbleftë të gjithëve, pak nga ne do të thotë shpëtim për jetën e Shqiprimit🤲

Ju lutemi bëjeni share që ta shohin të gjithë, sepse është urgjente!

Arrestohen tre të dyshuar për hajni në disa markete të Ferizajt

Published

10 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: