Secili nga banorët e rajonit të Ferizajt krijon 202 kilogramë bërllok në vit

Published

3 years ago

21 November, 2022

Agjencia e Statistikave të Kosovës ka publikuar statistikat e mbledhjes së mbeturinave në tërë Kosovën për vitin 2021.

Sipas këtyre statistikave, banorët e rajonit të Ferizajt vitin e kaluar kanë prodhuar 37 mijë ton mbeturina.

Krahasuar me rajonet tjera, rajoni i Ferizajt del të jetë rajoni me më së paku bërllok të mbledhur në Kosovë.

Të dhënat tregojnë se secili qytetar i këtij rajoni ka krijuar 202 kilogramë mbeturina në vit apo thënë ndryshe 0.55 kilogram bërllok në ditë.

Mbeturina më shumë janë grumbulluar edhe në rajonet që kanë më pak popullsi se rajoni i Ferizajt, saktësisht rajoni i Gjilanit dhe ai i Pejës.

Ndonëse rajoni i Prishtinës del të jetë kampioni për më së shumti mbeturina të grumbulluara, Ferizaj del të jetë kampioni me më së paku mbeturina të grumbulluara.

Shuhet zjarri që shpërtheu në një mobilieri në Ferizaj

Published

8 hours ago

27 November, 2025

Redaksia

Mbrëmjen e së mërkurës një mobilieri është përfshirë nga zjarri.

Rasti u raportua të ketë ndodhur rreth orës 21:35 në fshatin Greme të Ferizajt, thuhet në raportin ditor të policisë.

Në vendin e ngjarjes kanë intervenuar njësitë policore, zjarrfikësit dhe njësitë e KEDS-it.

Zjarrfikësit kanë arritur ta fiknin zjarrin derisa nuk raportohet për të lënduar.

Arrestohet në person në Ferizaj i dyshuar për dhunë në familje

Published

9 hours ago

27 November, 2025

Redaksia

Një person është arrestuar në Ferizaj, nën dyshimin se e ka sulmuar fizikisht motrën e tij.

Sipas raportit 24 orësh të policisë, viktima ka pësuar lëndime trupore dhe ka pranuar tretman mjekësor.

I dyshuari u arrestua të mërkurën dhe me vendim të prokurorit i dyshuari është dërguar në mbajtje.

Lidhur me rastin kanë nisur hetimet për veprën penale “Lëndim i lehtë trupor”.

Ferizaj 26.11.2025 – 12:11 “Është arrestuar i dyshuari mashkull kosovar, nën dyshimin se kishte sulmuar fizikisht motrën e tij. Viktima ka pësuar lëndime trupore dhe ka marrë tretman mjekësor. Me vendim të prokurorit i dyshuari është dërguar në mbajtje.”

Ferizaj

Pesë shoferëve u pezullohen patentat në rajonin e Ferizajt

Published

3 days ago

24 November, 2025

Redaksia

Njësitë e Komunikacionit Rrugor në Ferizaj kanë ndëshkuar pesë shoferë për kundërvajtje të rënda në trafik, në Shtime dhe në Ferizaj.

Sipas policisë, më datë 22.11.2025, në rrugën “Adem Jashari” në Shtime, janë ndaluar shoferët:

I.R., 31-vjeçar, i cili me veturën VW Golf është kapur duke lëvizur me 90 km/h në zonën me kufizim 40 km/h. Është ndëshkuar me gjobë prej 200 euro, 2 pikë negative dhe 3 muaj pezullim të patentë shoferit.

Y.B., 30-vjeçar, i cili me veturën Audi është kapur duke lëvizur me 93 km/h në zonën me kufizim 40 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

B.T., 40-vjeçar, i cili me veturën Toyota është kapur duke kryer tejkalim në vijë të plotë dhe është ndëshkuar me 200 euro, 2 pikë negative dhe 3 muaj pezullim të patentë shoferit.

M.G., 30-vjeçar, i cili me veturën VW Caddy është kapur duke përdorur telefonin gjatë ngasjes. Pas verifikimit, u konstatua se kjo ishte përsëritje e kundërvajtjes dhe u ndëshkua me 200 euro, 2 pikë negative dhe 3 muaj pezullim të patentë shoferit.

Ndërsa në rrugën “Brahim Ademi” në Ferizaj, është ndaluar:

H.K., 39-vjeçar, i cili me veturën VW Golf është kapur duke lëvizur me 100 km/h në zonën me kufizim 50 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

Policia Rajonale e Ferizajt apelon tek të gjithë shoferët që të respektojnë kufizimet e shpejtësisë dhe shenjat e komunikacionit.