Ferizaj

Afër 900 familje me ndihmë sociale në Ferizaj

Published

3 years ago

27 December, 2022

administrator

Në muajin nëntor të këtij viti në Ferizaj ndihmë sociale morën 893 familje.

Sipas Agjencisë së Statistikave të Kosovës, këto familje së bashku përbëhen nga 3608 anëtarë.

Duke u bazuar në këto të dhëna, numri i familjeve dhe anëtarëve që marrin ndihmën sociale në Ferizaj ka rënë gjatë këtij viti.

Kjo për shkak se nëse krahasojmë muajin nëntor(statistikat e paraqitura më lartë) me muajin janar të këtij viti, ka dallim. Në janar ishin 1043 familje që merrnin ndihmën sociale apo 150 familje më shumë, kurse numri i anëtarëve të familjeve që marrin ndihmë sociale ka rënë nga 4273 në 3608 apo 665 persona më pak.

Të gjitha të dhënat e përdorura në këtë shkrim bazohen në publikimin e ASK-së “Statistikat e Mirëqenies Sociale Nëntor 2022”.

Të dhënat e detajuara mund të gjenden në faqen e Agjencisë së Statistikave të Kosovës apo në këtë link.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

9 hours ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

1 day ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

2 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.